वाचन कट्टा

मी सध्या भैरप्पांचं 'आवरण' (मराठी अनुवाद) वाचते आहे.

इथे बऱ्याच जणांनी लिहिलं होतं म्हणून मी पर्व वाचायला घेतलं होतं पण काही पकड घेईना. सुरुवातीची बरीच पानं खूप निगेटिव्ह टोनमध्ये वाटली. पुन्हा वाचायचा प्रयत्न करेन

इथे बऱ्याच जणांनी लिहिलं होतं म्हणून मी पर्व वाचायला घेतलं होतं पण काही पकड घेईना.
>>
मी पर्वबद्दल लिहिलेलं वाचलं असतास तर ही वेळ आली नसती

'आवरण' वाचताना माझं असं झालं... सतत 'मजा नहीं आ रहा' असंच वाटत राहिलं. कादंबरीचा विषय खूप छान आहे, पण कादंबरी हा फॉर्म म्हणून गंडलाय असं माझं मत झालं. तरी संपूर्ण पुस्तक वाचलं.
अनुवाद म्हणून मात्र फारच छान, पुस्तक मुळातून मराठीतच लिहिलं गेलं असावं असं.

भैरप्पांना कादंबरीचा फॉर्म जास्त सोयीस्कर वाटतो म्हणून त्यांनी 'आवरण' कादंबरीच्या फॉर्ममध्ये लिहिलंय. नाही तर नॉनफिक्शन पुस्तकही चांगलं झालं असतं.

मी सध्या स्टोरीटेल ॲपवर संदीप खरेच्या आवाजात व्यंकटेश माडगूळकरांचं 'कोवळे दिवस' ऐकायला घेतलंय. फारच छान वाटतोय अनुभव!

भैरप्पा म्हणजे भारीच. >> +७८६

आजच्या लोकसत्ताची महिला दिनविशेष चतुरंग पुरवणी चांगली आहे वाचायला.
आईने ने इरावती कर्वेंवरचे उषा कोटबागी यांचे एक पुस्तक दिले होते वाचायला ते आज सुरु करावे म्हणतोय.

हा धागा परत वर काढते आहे.

(२०२० साली एकदा वर काढला होता.)

धावता धागा आहे. गरजूंनी रोज इथे हजेरी लावावी.

गेल्या वर्ष-दोन वर्षात मी वाचलेली पण त्याबद्दल कुठेही काहीही न लिहिलेली पुस्तकं :

Traces: The Memoir of a Forensic Scientist and Criminal Investigator (Patricia Wiltshire) विज्ञानप्रेमींना आवडेल असं भारी पुस्तक!

Girl, Woman, Other (Bernardine Evaristo) २०१९ बुकर विजेतं पुस्तक

A Man Called Ove (Fredrik Backman)

sour dough (Robin Sloan)

गेल्याच्या गेल्या रविवारी 'नो स्क्रीन डे' ठरवला होता. स्क्रीन नाही म्हणजे किंडलही नाही. मग नुकतंच घेतलेलं 'गोठण्यातल्या गोष्टी (हृषीकेश गुप्ते)' (प्रिंट कॉपी) वाचायला सुरुवात केली.
मस्त पुस्तक आहे. थोडं वाचून झालंय.

परवाच्या रविवारी पुन्हा 'नो स्क्रीन डे' करायचा ठरवला होता. पण अमितवच्या गटग मेसेजमुळे रद्द केला

धन्यवाद ललिता- प्रीति.
धागा वर काढल्याबद्दल.
वर माझ्याही काही जुन्या पोस्ट बघून छान वाटलं पण सध्या काही विशेष वाचत नसल्याची खंत.
पण आता नेमाने सुरुवात करेन.

छान धागा!

गेल्या वर्ष-दोन वर्षात मी वाचलेली पण त्याबद्दल कुठेही काहीही न लिहिलेली पुस्तकं : <<>>>> प्लीज लिहा ह्या पुस्तकांबद्दल.

हा आणि मी वाचलेले पुस्तक हे दोन्ही धागे समांतर आहेत ना ?

हा आणि मी वाचलेले पुस्तक हे दोन्ही धागे समांतर आहेत ना ? >>> हो, तसं अपेक्षित तरी आहे

धागा वर काढल्याबद्दल धन्यवाद. माझी २०२० म्हणजे कोव्हिडच्या सुरुवातीच्या काळातली "पर्व" बद्दलची पोस्ट आहे. तेव्हा पर्व वाचणं डिप्रेसिंग होतं खरं!

'नो स्क्रीन डे'ची आयडीया भारी आहेत. ह्याचा अजेंडा ठरवायला हवा. म्हणजे स्मार्ट वॉच हा स्क्रीन धरायचा की नाही ? अश्या प्रश्नांची उत्तरं आधीच ठरवून ठेवायला हवी.

माझं वाचन सध्या पूर्ण बंद पडलं आहे! ह्या धाग्याच्या निमित्ताने काहीतरी वाचायला हवं आता.

'गोठण्यातल्या गोष्टी' छान आहे. एक विशिष्ट कालखंड डोळ्यांसमोर उभा रहातो. आणि प्रथा परंपराही.
हे सगळं हरवून गेल्याची, हरवत चालल्याची खंत काही काळ मनात दाटून येते. मुस्लिम व्यक्तिरेखाही छान उभ्या केल्यायत.

ह्याचा अजेंडा ठरवायला हवा >>> हो, अगदी!
आधी माझ्या डोक्यात 'नो स्क्रीन' म्हणजे फोन, ओटीटी बघायचं नाही, इतकंच होतं.

गणेश मतकरींचे 'खिडक्या अर्ध्या उघड्या' वाचले नुकतेच. आवडले.

राजदीप सरदेसाईचे २०२४ निवडणुकांवरचे पुस्तक वाचतोय. त्याचे २०१४ वरचे आवडले होते, २०१९ चे जरा कमी आवडले, हे अजूनच कमी.

ह्यु हॉवीची सायलो ट्रिलॉजी मधले दुसरे पुस्तक वाचतोय. पहिले वूल वाचून झाले. दुसरे डस्ट वाचतोय. मला आवडली ही सिरीज. सायन्स फिक्शन / फँटसी म्हणजे काहितरी दुय्यम दर्जाचे साहित्य असे उगाचच अनेक वर्ष डोक्यात होते. त्याला छेद देत हळू हळू या प्रकारातली पुस्तके वाचत आहे. थ्री बॉडी प्रॉब्लेम बर्षाच्या सुरुवातीला वाचले. त्यातली पुढची दोन वाचायची आहेत.

अभिषेक धनगरच्या वाल्डन प्रकाशनाने प्रकाशित केलेली तीन पुस्तके हाती पडली आहेत. अगदी छोटेखानी आहेत. त्यातले झोरान झिवकोविचचे द लायब्ररी हे वाचतोय हळुहळू. संप्रतिने त्याची चांगली ओळख करून दिली आहे इथे https://www.maayboli.com/node/86161