निसर्गाच्या गप्पा (भाग - ८)

वा दिनेशदा - काय सुरेख फुले व सुरेख फोटोही - सकाळी सकाळी फुलांचे दर्शन घडणे यासारखे सुखद काहीही नाही......

रच्याकने ते मडाराका डे काय प्रकरण आहे ?

मृण्मयी - वाळ्याच्या माहितीबद्दल धन्स........

नमस्कार लोकहो!

मला खालील वनस्पतींची ओळख पटवायची आहे. कृपया मदत करा!

From June 2, 2012

From June 2, 2012

From June 2, 2012

नमस्कार गोळेकाका - कृपया, ते फोटो जरा मोठे करुन टाकणार का, तसेच कुठले आहेत, कुठल्या सिझनमधले हे कळू शकेल का ? पूर्ण झाडाचे, पानाचे व मग फूल व फळाचे असतील तर ओळखायला बरे पडतात - तसं पाहिलं तर दिनेशदांसारखी दिग्गज मंडळी कुठल्याही एका भागावरुन (पान, फूल, फळ) ओळखू शकतीलच.......

शशांक त्या फोटोवर टिचकी मारली तर पिकासात मोठ्या आकारत दिसत आहे.

गोळेकाका, हे सगळे फोटो नैनितालचे का?
दुसर्‍या फोटोतली सप्तपर्णी आहे.

होय जिप्सी, हे नैनितालच्या नैनादेवी मंदिराशेजारचेच फोटो आहेत. आणखीही अनेक वनस्पतींची मला ओळख पटवायची आहे. वेळ होईल तसतसे इतरही टाकतोच!

जिप्सी, यात तुला सप्तपर्णी कुठे दिसली बाबा?

शशांक, मेच्या १३-२१ दरम्यान अलीकडेच नैनितालला केलेल्या सहलीचे हे फोटो आहेत. मला वाटते की पिकासावरील सर्वोत्कृष्ट सापेक्षपृथकता सर्वांना पाहण्यासाठी उपलब्ध आहे. नसल्यास ती कशी उपलब्ध होऊ शकेल ते सांगावे.

जो दुसरा फोटो आहे ना तोच तो.
हा झूम करून काढलेला फोटो.

जर्दाळु आणि त्याची पाने अशी दिसतातः

अरे वा! छानच मोठा केला आहेस की. चला तर मग आता ओळख पटवा, निदान ह्या मोठ्या आकारावरून तरी.

गोळेकाका ते सप्तपर्णीच आहे. पानांचा आकार पहा (हि उत्तरांचल मधील सप्तपर्णी आहे).
गेल्यावर्षीच्या माझ्या उत्तरांचल भटकंतीत काढलेला.
राणीखेतला आम्ही सप्तपर्णीच्या बाबतीत गाईडला हा प्रश्न विचारला होत. त्याने दिलेल्या माहितीनुसार हि पहाडी भागात आढळणारी सप्तपर्णी आहे. आपल्याकडे आढळणार्‍या सप्तपर्णीची पाने फुले वेगळी आहेत.

तो पहिला पांढर्‍या मोठ्या फुलाचा फोटो आहे तो मॅग्नेलिया कूळातला आहे. काहि दिवसांपुर्वी आर्च ने याचा क्लोजप टाकला होता. खुप मोठे म्हणजे ओंजळीएवढे फूल असते. अर्थात हि जरा वेगळी प्रजाती आहे.

जिप्सीच्या फोटोतल्या तुर्‍याची फुले खुपशी, भारंगीची आठवण करुन देताहेत. कदाचित त्याच कूळातला असावा.

शशांक, संदर्भ पुस्तके नाहीत म्हणून मी हतबल आहे !
मडाराका स्वाहिली शब्द आहे. साधारण प्रजासत्ताक दिनासारखा प्रकार आहे हा. घराशेजारच्या स्टेडीयमवर
तिन्ही दलांचे संचलन होते, त्यामूळे आम्हाला गच्चीत उभे रहायलादेखील बंदी होती.

इथल्या गारठ्यामूळे, कळ्या पण अगदी सावकाश उमलतात. आणि फुल सुद्धा २/३ दिवस सहज झाडावर टिकते !

जिप्सी काय भन्नाट फोटो काढतोस रे - दाद दिल्याशिवाय रहावत नाही - पण, किती वेळा सुंदर, छान म्हणायचं ....?

हे रानफुल आहे. >>> याच नाव काय नाही विचारलस , तरी सांगतो
याच नाव अमरुल आहे Oxalidaceae (Wood Sorrel Family) कुटुंबातल
बायोनाव - Oxalis corniculata. (flowersofindia.net वरुन साभार)

हुश्श.... माझी कॉलर कुठे आहे ते शोधतोय

जिप्स्या सप्तपर्णीचा तुरा, नाताळात सजवलेल्या झाडा सारखाच सुंदर दिसतोय,
शुभ्र बर्फ पडलेल झाड त्यावर लावलेले लाल पिवळे दिवे

जिप्सी काय भन्नाट फोटो काढतोस रे - दाद दिल्याशिवाय रहावत नाही - पण, किती वेळा सुंदर, छान म्हणायचं ....? >>>+१

हे पिवळं ऑक्झॅलिस आमच्या बागेत पावसाळ्यात खूप येतं.

सध्या हे आहे बागेत (फोटो आंतरजालावरुन...) Oxalis debilis var corymbosa

"सर्वोत्कृष्ट सापेक्षपृथकता" म्हणजे काय हो गोळेकाका ? (आपल्या साध्या मराठीत कसं पंक्चर, पेपरवेट, पी सी, माऊस...... तसं..). यावरुन मला "अग्निरथगमनागमन मार्गदर्शक ताम्रनील पट्टिका" हा (कधीकाळी पाठ केलेला)शब्द आठवला ...... (कृपया हलके घ्या)....

आयॅम ब्याक!! गुरु-शुक्र वीक एण्ड सौदीची राजधानी रियाध ट्रीप मारली. त्या कॉक्रीट जंगल मधे असणारं प्रचंड मोठ प्राणी संग्रहालय हे निसर्ग प्रेमींसाठी एक ओअ‍ॅसिसच आहे. घाईत बघितले तरी तीन तास लागले. फ्लेमिंन्गो, वाघ,सिंह, चित्ते, हत्ती, जिराफ, अगणीत पक्षी, तर्‍हेतर्‍हेचे पोपट, गरूड वर्गातले पक्षी, रंगीत चोचीचा हॉर्नबिल पाहून एकदम दिलखूष!! थोडे फोटो ही काढलेत टाकतो लवकरच.

धन्यवाद
शशांक, जिप्सी, जागू.

आता आणखी दोन फोटो देत आहे. हे आहेत भीमतालच्या काठावरल्या एका वृक्षाचे, जो आपल्या देखणेपणाने हमखास लक्ष वेधून घेत असे.

From June 2, 2012

From June 2, 2012

शशांक,
शुद्ध मराठीत सांगायचे तर
सापेक्षपृथकता = रिझोल्युशन

दिनेशदा,
आधीच्या नोंदीतील पहिले मोठे फूल कशाचे आहे?
असे विचारल्यावर तिथले स्थानिक लोक "कठाळ" म्हणत होते.
मात्र त्या झाडाला कुठेही फणस लागलेला असल्याचे मला तरी दिसले नव्हते.

Jacaranda mimosifolia हे नाव आहे गोळे काका या निळ्या फुलांच्या झाडाचे. सर्वजण जॅकरांदा, जाकरांदा या नावानेच ओळखतात याला - हे नाव इथे मा बो वर सर्चवर टाकल्यास अनेकांनी याचे काढलेले अतिशय सुंदर सुंदर फोटो पहायला मिळतील.

दिनेश दा.. सुंदर रंगीत गुलबक्षीचे फूल..
कळ्या तर नुसत्या दिलखूश!!!
जागु चं रानफूल नाजुक ,ब्राईट आहे अगदी..
जिप्स्याचे फोटोज.. क्या बोल्नेका!!! सुपर्ब!!!
गोळे काकांची फुलं,झाडं पण पण सुरेख दिस्तायेत..
श्रीकांत ,फोटोज अपलोड कर लौकर
लहानपणी पावसाळ्यात रंगीबेरंगी तेरडा फुलायचा.. त्याचे इतके वेड लावणारे विविध रंग असत..
कुणाकडे आहेत का फोटो, .. अनेक युगं लोटल्यासारखी वाटतायेत ही सुर्रेख फुलं पाहून..
तेरड्याच्या शेंगा(?) वाळल्या कि ट्विस्ट होऊन त्यातून बिया बाहेर पडत, वेलचीच्या दाण्यासारख्या..आपोआपच रुजत.. ,कोणत्याही प्रकारच्या मानवसेवेची वाट न पाहता कुठेही उकिरड्यावर, दुर्लक्षित माळावर, नैनसुख देणारी अगणित फुलं उमलत आणी पूर्ण परिसराला शोभिवंत बनवून टाकत..
या वाळक्या शेंगांना दोन बोटांच्या चिमटीत पकडून हलकेच दाबले कि सुर्रकन कर्ल होत ,आतील बिया बाहेर पडत.. ही कर्ल होण्याची गंमत पाहण्यात तासनतास जात..

वर्षू, चायनात नसला तरी बाली मधे तेरडा नक्कीच असणार. तिथे त्यांच्या बियांपासून तेल काढतात असेही वाचले होते.
तूमच्याकडे तो वेगळ्या रुपात असणार. मी न्यू झीलंडला ८ फूट वाढलेला तेरडा बघितला होता.
खरं तर जरा पाऊस आला म्हणून मी एका झाडाखाली उभा राहिलो, वर बघितले तर झाड तेरड्याचे होते. (हनी आय श्रंक द किड्स सारखे वाटले मला.)

आणि ती बोंडे फुटल्यावर ते फळाचे साल कसे अळीसारखे दिसते ना ? शाळकरी वयात मुलींना ते दाखवून घाबरवले होते !

मुंबईत आता तेरडा, रेल्वेलाईनच्या आजूबाजूला पण दिसतो. खास करुन वाशी पासून पुढे !

दा ही गुलबक्षी काय माती प्रमाणे रंग बदलते , किती विविध रंग छ्टा एकाच फुलात दिसतात.

नितीन, मूळ रंग तीनच
गडद गुलाबी, पांढरा आणि पिवळा.. मग त्यातून हे असे नक्षीकाम !
काटेसावरीत पण हेच तीन रंग, पण त्यांच्यात असा संकर कधी बघितला नाही मी.

माझ्या कडे काकडी ला फुले येतात पण काकडी येत नाहि काय करु ????

काकडीला, फक्त नरफुलेच येतात का ? वेलाला जरा जोम धरु दे. काहिही न करता काकड्या लागतील.

शशांक,
जकारांडाला फळेही लागतात का?

धन्यवाद वर्षू.

हे आणखी दोन फोटो. दुरून पिवळ्या बॉटल ब्रश सारखे फुलांचे झुपके दिसणारे, हे कदाचित निराळेच झाड असावे. झुपके जरा जवळून तपासून पाहा.

From June 2, 2012

From June 2, 2012

माहीती बद्द्ल धन्यवाद दा

आज सकाळी पावसाने थोडा शिडकावा दिला पण त्या मुळे जास्त गरम होतय

गोळे काका पिकासातुन धागा कॉपी ( अश्या मराठी बद्द्ल दिलगीर आहे) करताना सिलेक्ट साइज medium 640-640px करा त्यामुळे सापेक्षपृथकता वाढेल