सोलकढी

भाऊ अगदी अगदी. फक्त तिथला इंद्र म्हणजे डॅनी-द-रखवालदार आहे आणि तिथे अन्नपूर्णेचं राज्य आहे.

... तिथं वातावरण 'सूरमय' आहे, खमंग पापलेट आहे पण नावालाही पाप नाही, कढया आहेत पण बढाया नाहीत, आणि ... स्वतः ब्रह्मदेव कमळं वहातोय ........... !!!!!

सोलकढी मध्ये मी आलं घालते. आणि हिरव्या मिरचीची फोडणी. एकदम थंड करुन प्यायची. क्लास लागते.

छान रेसीपी आहे जागू. तिखट घालून करुन बघेन.

जागुदी मस्त आठवण करून दिलीत सोलकढीची. मला फार आवडते सोलकढी. मी प्रथम सोलकढी दादरला गोमंतक मध्ये माझ्या बाबांबरोबर टेस्ट केली होती. इतक्या वर्षात मी विसरूनच गेले होते आत्ता ह्या वीकएंड ला करतेच बघा तुमच्या पद्धतीने आणि तुम्हाला कळवते कशी झाली ती. रेसिपी वरून तरी मला एकटीला बनवायला जमेल अस वाटत आहे......:)

<< पण तो बाजुच्या बाहुल्याचा एक डोळा का बंद आहे ? तो जन्मताच असा आहे का ? >> तसा असलाच तर परत करणार; माबोच्या दुकानातूनच घेतलाय तो !!
[ तुमचं कौतुक मनापासूनचंच असतं. शिवाय, माबोवर रहायचंय मला !]

अगदीच तोंपासु झालीय

जागु,
हा लेख वाचुपर्यंत मला सोलकढी घरी देखील शक्य आहे (मला शक्य होईल) हे स्वप्नात देखील वाटलं नव्हतं.

खुप छान. मुंबईत लमिग्टंन रोडला चाफेकर बंधुचे हाटेल आहे.तेथील सोलकढी अप्रतीम लागते.

जागू.... मस्तं फोटो आणि छान रेसिपी... बहुतेक मालवणी घरात मांसाहार असला की दह्याचं-ताकाचं काही करत नाहीत. विशेष्तः मालवण्/कोकण कडे सोलकढीच असते.
कोकणात सोलकढीला फोडणीचं कौतुक नसतं. पण त्यात तिरफळं घालतात. एक विलक्षण मिरमिर चव येते त्याने. तिरफळं माशाच्या आमटीतही (तिखलं) घालतात.
तसच आमसुलं भिजवून ठेवताना, आम्ही त्यात चार हिरव्या मिरचीचे तुकडे टाकतो. देताना, वरून थोडी कोथिंबीर पेरायची.

अप्रतिम! करणार नक्की!

जागु मस्तच तोपासू दर रविवारी असते आमच्या घरी

साखरे एवजी गूळ पण चंगला लागतो.

मी सोलकढी करताना फोडणी थंड झाली कि नारळाच्या दुधात टाकतो, गरम असताना फोडणी टाकली कि नारळाचे दुध फाटते

मस्तच! अशीच करते आता फोडणी देऊन करुन पाहीन.

मस्तच आहे हि कृती, करून बघेन नक्की

मी पण बिनाफोदानिची करते, थोडेसे आले पण घालते अणि मिक्सेर मधेच ४ पाकळ्या लसून , आले, १ हिरवी मिरची आणि साखर नाही ग़लत...
तशी पण करूँ बघा एकदा..खुपच मस्त लगते...

काल केली होती. छान झाली. पाकृ शेअर केल्याबद्दल धन्यवाद

सोलकढि करताना आम्ही नारळाचे दुध काढताना ओवाहि घालतो पचनाला चांगला असतो.

घरात आगळ नसल्यामुळे आमसुलं उकळून त्यांचा कोळ काढायची आयडिया आवडली. काल तसंच करुन रेडीमेड नारळाचं दूध घालून मस्त सोलकढी पिता आली. टिपेबद्दल धन्यवाद जागू.

जागु सोलकढी मस्तच जमली..
मला फार आवडते..
आता फोडणीची करून बघेल..

जागुले, लागलीस का स्वयंपाकाला! आणि माबोवरही यायला लागलीस.
असो......तर माझ्याकडे घरचे नारळ+कोकणातून आलेली घरचीच गुलाबी रंगाची ताजी ताजी आमसुलं किंवा घरचंच आगळ यांची मस्त सोलकढी वरचेवर होते.(बिन फ़ोडणीची आणि थंड.)
पण जर फ़ोडणी घालायची असेल तर, विशेषत: थ्ंडीत किंवा पावसाळ्यात.............
तर ही घ्या कृती:
आधी खोबऱ्यात थोडं पाणी घालून मिक्सरला लावून घट्ट् दूध बाजूला ठेवा.
मग कोमट पाणी घालत घालत याच खोबऱ्याचं सगळं दूध पातळसर काढून घ्या. या दुधाला तांदुळ पिठी/बेसन पीठ एक दीड चमचा लावून घ्या. गॅसवर उकळायला ठेवा. ढवळत रहा. मीठ साखर चवीप्रमाणे घाला. आता याला तूप, सुकी मिरची, कढिलिंब, हिंग, जिऱ्याची फ़ोडणी घाला. या फ़ोडणीत थोडा घरचा सांबार मसालाही(पण बाजारात मिळणारा लाल भडक नको.) घाला. जरा चमच्याने ढवळा. गॅस बंद करा. चांगली चरचरीत फ़ोडणी वरील पातळ दुधाच्या मिश्रणात ओता. चांगली उकळी आल्यावर गॅस बारीक करा.
आता यात आमसूल/आमसुलाचा रस/आगळाचा एखादा चमचा घालून ढवळा. आता ते सर्वात आधी काढलेले नारळाचे घट्ट दूध घाला. ढवळत रहा. उकळी आली की गॅस बंद करा. कोथिंबीर घाला.
जर योग्य प्रमाणात आंबटपणा असेल तर साखर/गूळ काहीच लागत नाही. खोबऱ्याच्या दुधाने जेवढी गोडी येईल तेवढी पुरते.
पण आंबट गोड जर थोडं जास्त हवं असेल तर मात्र गूळ घालावा. ही कढी अगदी गरमागरमच वाढावी.
भाताबरोबर मस्त लागते.