सात घडीची पोळी

पण ह्याच्यात घड्या कुठे आहेत ???? हे तर थर आहेत...
घरी ज्या घडीच्या पोळ्या म्हणून करतात.. त्यात प्रॉपर घड्या घालतात की... आधी अर्धी मग अजून अर्धी आणि मग लाटतात.. ज्यामुळे पोळीला ३ पापुद्रे सुटतात..

पग्याला अनुमोदन. दोन, तीन आणि चार घडीच्या पोळ्या माहिती आहेत. शिर्षकावरुन वाटलं की तशाच सात 'घडी'च्या पोळ्या आहेत की काय.

हे बघा ! एवढी चांगली पाकृ दिलीय ते बघायच राहिलच बाजुला .
ह्यालाच म्हणतात नाचता येईना अंगण वाकडं.

<<< एकंदर सुगरणपणा ज्यादिवशी दाखवायचा असेल, त्यादिवशी या रोट्या करायच्या !! >>> दिनेशदा प्रचंड अनुमोदन.

Hmm..मलाही पग्या आणि सिंडी सारख घड्या घालून पोळी असेल असं वाटलं..

बाजिंदा,
नाचता येइना अंगण वाकडं काय त्यात, रेसिपीचं नाव पाहून जे वाटलं ते पोचवलं दिनेशदां पर्यंत !

दिनेशदा, रेसिपी आवडली....

रेसिपीला "सात पदरी पोळी" म्हणा.. हाकानाका... आपल्याला खाण्याशी मतलब

३ लेयर्स ची आधी करेन म्हणत्येय मग जरा कॉन्फीडन्स आला की ५ आणि ७ लेयर्स

लाजोला अनुमोदन.

मस्त प्रकारे हा. मी करणार. आतून यालाही पापुद्रे सुटतीलच ना. फारतर प्रत्येक लेयरवर तेलाचा एक हात फिरवा म्हणेज पापुद्रे व्यवस्थित सुटतील आणि पोळी खुसखुशीत लागेल.

कृती छानच. कधीतरी जरा वेगळा प्रकार म्हणून करून बघायला हरकत नाही.

पण शिर्षकावरून मात्र पग्या, सिंडीशी अगदी सहमत.

मस्तच एकदम....

माझे पोळीप्रकारातील कौशल्य लक्षात घेता दोन कणकेच्या लाट्या आणि मध्ये एक बेसनची लाटी एकावर एक एवढेही भारी पडेल तेवढेच करुन पाहिन आधी.

दिनेशदा,
फार छान रेसिपि आहे. प्रवासासाठी उत्तम पर्याय वाटतो आहे. ह्याच्या मधे आपण सुचवल्याप्रमाणे थोड्या भाज्या किंवा पालेभाज्या घातल्या तर फारच छान. २ दिवस तरी उत्तम टिकतील. हिंग जिरे आहेच पण डाळीचे पिठ असल्यामुळे थोडा ओवा घातला तर पचनासाठि आणिक उत्तम. दह्याबरोबर पण मस्त लागेल.

दिनेशदा, रेसिपी आवडली..
जरा वेगळा प्रकार .....नक्की करुन बघेन.

मस्त, वेगळा प्रकार. करुन बघेन

पेन्सिल भाजीत, पेन्सिली कुठे होत्या ? >>

पेन्सिल भाजीत, पेन्सिली कुठे होत्या ? >> हा हा तीर बसला हां बरोबर दिनेश.

दिनेश तुम्ही 'थराच्या पोळ्या' नाव द्या हो. नाहितर काही लोकं नावावरूनच अनेक थराच्या पोष्टी पाडतील.

आणि काय आहे ना, आम्ही आमच्या रेसीपीला पाहिजे ते नाव देवू, पण तुमच्या रेसीपीला नावं ठेवायला येवू.

मस्तच! नक्की करणार! धन्स दिनेशदा!

धव्नि,
रेसिपीला कोणी नावं ठेवलीयेत ?
इथे फक्त नावा वरून वेगळं वाटलं एवढच लिहिलय.. असो.

ध्वनी तै लई भारी..
अवो दिपांजली तुम्ही मेंदीला मेहंदी म्हणता तरी पण आम्ही तुमच्या कलेचं कौतुक करायलाच येतो, टोमणे मारायला नाही.

अरेच्या,
' मेंदीला मेहेंदी का म्हणता ' हा प्रश्न विचारला असता तर नॉर्मल च उत्तर दिलं असतं, साधा प्रश्नं आहे ...टोमणा काय त्यात ?
तसाच शीर्षकावरून वेगळी पध्द्त वाटली लिहिण्यात कसला टोमणा ?

>>रेसिपीला कोणी नावं ठेवलीयेत ?<<
मी कुठे म्हटले कोणी नावं ठेवलीत? मी दिनेश ह्यांना सुचवले असे 'नावं ठेवा' रेसीपीचे म्हणजे लोकांचा गोंधळ नको. म्हणून म्हटले तुमच्या रेसीपीला नावं ठेवायचे/द्यायचे काम करतो.
दिपांजलीताई, तुम्ही कशाला वाईट अर्थ काढताय 'नावं ठेवणे' वरून. नावं ठेवणे म्हणजे काय वाईटच असते का?

छान पाकृ.... हेवी ब्रेफा साठी उत्तम

मस्त आहे. लहान मुलांनसाठि छान आहे. ह्या वेगवेगळ्या रंगाच्यापण करता येतील. एक थर बीटाचा, एक पालेभाजीचा वैगरे...मस्त. करुन बघणार नक्की.

>>बाय द वे पराग दोन घड्या घातल्या कि माझ्या चपातीला ४ (३ नाही) सूटतात. सिंडरेला ने सांगितलेल्या ४ घडीच्या पोळ्या (म्हणजे ८ पदर असलेल्या ना ?) कशा करायच्या ? ७ पदर सूटण्यासाठी साडेतीन घड्या घालाव्या लागतील. त्या कशा घालायच्या ? आणि सिंडरेला, पेन्सिल भाजीत, पेन्सिली कुठे होत्या ?>>ह्या साठी well said....

दिनेशदा, मस्त हो! फर्मास दिसतेय पाकृ!

दिनेशदा काय मस्त रेसीपी आहे. खरच सुगरणपणा दाखवायला खुप वाव आहे. मस्त मस्त

देवरुखातल्या मातृमंदिराच्या हळबे मावशींची 'सात घडीच्या पोळ्या' ही खासियत होती. काही कामानिमित्त कोकणात आलेल्या दुर्गाबाई भागवत खास ह्या पोळ्या शिकण्यासाठी हळबे मावशींकडे देवरुखात आल्या होत्या.

या पाककृतीचं शीर्षक वाचून मलाही त्याच 'सात घडीच्या पोळ्यां'ची पाककृती लिहिली आहे की काय असंच वाटलं. असो.
घडीच्या पोळ्या करायला वेळ लागतो म्हणून मी फुलके करते, मग ह्या सात थराच्या पोळ्या करायच्या तर मग माझ्यासाठी प्रोजेक्टच

देवरुखातल्या मातृमंदिराच्या हळबे मावशींची 'सात घडीच्या पोळ्या' ही खासियत होती. काही कामानिमित्त कोकणात आलेल्या दुर्गाबाई भागवत खास ह्या पोळ्या शिकण्यासाठी हळबे मावशींकडे देवरुखात आल्या होत्या. .
>> हो.. हेच लिहायला आलेले की दुर्गाबाईंच्या पुस्तकात मी पहिल्यांदा आठघडीच्या पोळ्यांची कृती वाचलेली..

व्वा!. दिनेशदा. मस्तच पाककृति. प्रचि पाहुन तोंपासु. फा .......र भुक लागली.

दिनेश दा.. मस्त पाककृती आहे ही.. उद्याच ट्राय करणार नक्की..
मी असे साधे लच्छा पराठा करतांना प्रत्येक थरावर तेलाचा हलका हात आणी कोरडी पिठी भुरभुरते( आमच्या मुस्लिम कुक्ची ही ट्रिक) ..त्यामुळेही पापुद्रे सुटतात.. आता तुमची रेसिपी पण फॉलो कर्णार्..आणी सुगरणपणाचा नमुना आधी फक्त माझ्यासमोरच सादर करणार,,,

मालवणला सातकापे घावण म्हणून एक प्रकार करतात, पण तो वेगळा असतो.

मस्त असतो हा प्रकार...

आधी घावणाच्या बीडावर पुर्णचंद्रासारखे घावन घालायचे, मग घावण बीडावर असतानाच त्याच्या अर्ध्या भागावर खोबरे+गुळ्+वेलचीचे मिश्रण पसरायचे, उरलेला अर्धा घावण त्या मिश्रणावर कलथ्याने आच्छादायचा. मग बीडावर रिकाम्या झालेल्या अर्ध्या भागात घावणाचे मिश्रण ओतुन तिथे घावण तयार करायचा. शिजला की त्या भागावर परत खोबरे+गुळ्+वेलचीचे मिश्रण घालायचे. पहिला अर्धा भाग (खोबरे+गुळ्+वेलचीच्या मिश्रणासकटचा) ह्या नविन भागावर पलटवायचा. मग रिकाम्या जागी परत घावण घालायचे.... आपल्याला जेवढे उलटवायला जमते तेवढे उलटवत घावण घालायचे. . हा प्रकार अफलातुन लागतो. खुप गोड होत असल्याने मी हल्ली करत नाही. पण its yummy.... आम्ही त्याला सातपाटीचे घावण म्हणतो. यथाशक्ती तिनपाटीचे, पाचपाटीचे असेही करता येतात.

आठघडी पोळी म्हणजे आपली साधी ४ घडी पोळी लाटायची. त्या पोळीला पुन्हा घड्या घालून परत पोळी लाटायचे. हे दुर्गाबाईंनी लिहिलेले वर्णन आहे.

माझ्या वडीलांच्या एक मावशी अशा पोळ्या कधी मधी करत असत. ह्या पोळ्या खुपच हलक्या हाताने लाटाव्या लागतात. तेल-पीठ लावून घड्या केल्याने वेगवेगळे पदर नीट वेगवेगळे रहातात असे त्या सांगत असत. नेहेमी पोळ्या करताना येवढे खेळत बसायला वेळ नसल्याने बर्‍याच वर्षात केल्या नाहीत. करून पाहेन असे तोंडदेखले म्हणावेसे वाटत नाही