हा पक्षी कोणता?

सनबर्ड, फुलचुख्या पण म्हणतात ना. धन्स इंद्रा. उत्तर मिळाले.

जागू, तुझ्या फोटोतली पर्पल रम्प्ड सनबर्डची मादी आहे. त्याला मराठीत "शिंजीर" म्हणतात. आहे तो सूर्यपक्षीच पण या एकालाच "शिंजीर" असे वेगळे नाव पण आहे. याचा नर कायच्याकाय सुंदर असतो....... एकदम "झगामगा मला बघा"

भुंगा, बरं झालंस क्लियर केलंस..मला वाटलेलं की सरळ सगळ्य सनबर्डसना शिंजीर म्हणातात की काय...
अरेसहीच अस्तो तो नर...(एकंदरीतच पक्षीजगतातले नर.... Paradise fly catcher for that matter......)

भुंग्या धन्स. ते नर पक्षी पण आहेत आमच्याइथे छानच दिसतात ते.

fb वर Indian Bird या Groupचे कोणी सदस्य आहात का? जबरी कलेक्शन आहे तिथे.

इंद्रधनुष्य १ : हा पक्षी कोणता? (स्थळ: वसई)

बसण्याची पद्ढ्त, शेपटी इ. वरुन Coppersmith वाटतोय...

वेका... बरोबर हा तांबट आहे.

आज दुपारी जोरदार पाऊस पडल्यानंतर एका विशिष्ट प्रकारचे किडे (किंवा अगदी छोट्या फुलपाखरांसारखे किडे) मोठ्या प्रमाणात हवेत उडताना दिसत होते. काही वेळाने बरेच कावळे रस्त्यावर बसून ते किडे खाताना दिसले. आश्चर्य म्हणजे त्यात ८-१० कावळे पांढर्‍या मानेचे होते. म्हणजे त्यांची मान पूर्ण पांढरी नव्हती पण मानेवर व पंखाखाली अनेक पांढरे डाग दिसत होते. ते कावळे पूर्ण भिजल्यामुळे त्यांच्या मानेवर पंखाखाली असलेले पांढरे डाग दिसायला लागले असावेत. तसेच ते उडताना पंखाखालचे पांढरे डाग देखील दिसत होते. अशा प्रकारचे कावळे कोणी पाहिले आहेत का?

>>> गाव कोणते?

पुणे

स्थळः वसंत विहार, ठाणे.
नावः माहीत नाही.

अतिशय चपळ होता हा. खास याला कॅमेर्‍यात पकडण्यासाठी खाली जाऊन साधारण तासभर बैठक मांडली होती.
तसेच शेपटीचा फुलोरा तर मस्तच होता.

शेपटीचा टिपलेला नजारा

हा नाचण आहे बहुतेक.

कावळ्यांचे पोट भिजल्यावर मधुन मधुन पांढरे दिसते. मीही पाहिलाय पुर्ण भिजलेला काळा-पांढरा कावळा.

स्मितहास्य,

ह्या पक्षाचे नाव "पांढर्‍या ठिपक्यांचा नर्तक किंवा नाचण किंवा नाचरा (White-spotted Fantail Flycatcher Or Rhipidura albogularis)" असे आहे. हा चिमणीच्या आकाराचा असून अत्यंत चपळ व अस्वस्थ असतो. तो एका जागेवर १-२ सेकंदापेक्षा बसत नाही. सतत इकडून तिकडे उडत असतो. हा अतिशय स्वरबद्ध व मंजूळ शीळ घालतो. आपल्या शेपटीच्या पिसार्‍याची तो अखंड उघडझाप करत असतो. माझ्या घराभोवती यांची एक जोडी आहे. दिवसभरात अनेकवेळा याची मंजूळ, सप्तसुरी शीळ ऐकू येते. पण मला आजवर याला कॅमेर्‍यात पकडता आलेले नाही.

प्रकाशचित्राबद्दल अभिनंदन! याचे अतिशय सुस्पष्ट असे प्रकाशचित्र तुम्हाला काढता आले हे एक मोठे आश्चर्य आहे, कारण याला कॅमेर्‍यात पकडणे अत्यंत अवघड आहे.

हा अतिशय स्वरबद्ध व मंजूळ शीळ घालतो. >>> अगदी
पण मला आजवर याला कॅमेर्‍यात पकडता आलेले नाही. >> मलाही ते जमले नाही.. केवळ दहा फुटांवरुन सुद्धा... हे त्याचे सुंदर घरटे...

फुलोरा..

मास्तुरे, धन्यवाद

तो एका जागेवर १-२ सेकंदापेक्षा बसत नाही. सतत इकडून तिकडे उडत असतो. >>> अगदी. कारण याच्या प्रत्येक फोटोसाठी कॅमेरा सेटिंग सतत बदलावी लागत होती.

हा अतिशय स्वरबद्ध व मंजूळ शीळ घालतो. आपल्या शेपटीच्या पिसार्‍याची तो अखंड उघडझाप करत असतो. >>> हो. म्हणजे अगदी समोरून मागे जरी वळून बसायचे असेल तरी शेपटीचा पिसारा फुलवूनंच. शीळ तर काय वर्णावी. सकाळी नीरव शांततेत त्याने घातलेली शीळ ऐकली की जाम मस्त वाटतं. ते ही कालंच समजलं की हेच साहेब आहेत ते शीळ घालणारे.

स्मितहास्य, अप्रतिम फोटो. टायमिंग आणि सेटिंग एक नंबर
इंद्रधनुष्य मस्त !

हा कोण?

Oriental Magpie Robin म्हणजेच 'दयाळ'

हा गरुडच आहे ना?
स्थळः सिंहगडला जाताना डावीकडे जी दरी आहे तिथे.

लांब होता म्हणुन जास्तीच झुम मिळण्यासाठी व्हिजीए सेटिंग लावुन काढलाय फोटो.
त्यामुळे क्वालिटी फार उत्तम नाहिये. शिवाय त्याची पाठच माझ्याकडे होती बराच वेळ.
हा एकच स्नॅप मिळाला त्याने मान फिरवल्यावर. आकार घारीपेक्षा मोठा होता.

धन्यवाद इंद्रधनुष्य.:स्मित:
हा फोटो काढण्यापूर्वी मनात विचार आला होता, दयाळ पक्षी कसा असतो, आपण अजून पाहिला नाही. आणि आता तुम्ही सांगताय हाच दयाळ आहे.

गरूडाची चोच मोठी असते ना? मला तरी हा गरूड वाटत नाही.

crested serpant egale - डोक्यावर तुरा दिसतोय इंद्रा...

वरचा स्मितहास्यचा फोटो "नंदन नाचण म्हणजेच फॅनटेल्ड फ्लायकॅचर.

झकासराव, तो क्रेस्टेड सर्पंट ईगल आहे. बहुतेक त्याला मराठीत "नाराच गरूड" असे म्हणतात. (मराठी नावाबद्दल खात्री नाही)

कावळ्यांचे पोट भिजल्यावर मधुन मधुन पांढरे दिसते. मीही पाहिलाय पुर्ण भिजलेला काळा-पांढरा कावळा.>>> +१ हल्ली पोटच काय, मानही काळी पांढरी झालेले ओलेते कावळे दिसतात बागडताना.

स्मिहा आणि झकासराव मस्त आहेत फोटोज...लकी...:)

तो मलापण क्रेस्टेड सरपेंटच वाटतोय...

हिम्स आणि भुंगा धन्यवाद रे.
तुम्ही सांगितल्यावर मी फोटोत गरुडाच्या डोक्यावर तुरा पाहिला.
ह्या बाबतीत अजुन बरच शिकायच आहे हे माहितीच आहे पण अजुन नजर तयार व्हायचीय ह्याची जाणीव झाली ते बरच झालं ह्या निमित्ताने.

हा कोण ? प्लिज नाव सांगा याचे

Ashy Prinia म्हणजेच राखाडी वटवट्या