पिंपरी-चिंचवडमधली खादाडी

आयुष्यात काही गोष्टी अश्या येतात की खूप झळाळणाऱ्या आग ओकणाऱ्या उन्हाळ्यात येणारी पहिली वहिली संततधार.. आणि त्या सुगंधात, त्या सुंदर वातावरणात उन्हाने लकलकलेला जीव शांत होतो, अश्याच एका उन्हाच्या तलखीने भाजून काढलेल्या दिवसात ती माझ्या आयुष्यात आली, पण पावसाआधी दूर पडलेल्या पाण्यामुळे सुगंध जसा आपल्यापर्यंत पोहचतो तसाच तिचाही सुगंध येत होता, तशीच ती आली.. नाजूक, साजूक सुंदर... चिकन रान..

आमचं मिलन झालं ते म्हणजे पठारे मंगल कार्यालय सॉरी सॉरी, पठारे खानावळ, मोशी..

मी खाल्लेलं हे पहिलं चिकन रान. एखादा पदार्थ पहिल्यांदा वाईट लागला तर आपल्या आयुष्यात कायमचा बाद होतो, तसे होऊ नये म्हणून भरपूर रिसर्च करून पठारे कार्यालय निवडले आणि त्याचे चीज झाले. चिकन रान तर अफलातून होतेच, पण सोबत जे काळ्या मसाल्यातले जबरदस्त चिकन खाल्लं तेपण उत्कृष्ठ! चिकन मटण प्रेमींनी नक्की जा...

बाणेरच्या जवळपास highway ला लागुनच हॉटेल रंगीला पंजाब आहे. बैठक व्यवस्था, साफसफाई व्यवस्थापन आणि चव चांगली आहे. काही बाबतीत rates थोडे अवास्तव वाटतात.

अजिंक्यराव
पठारे खानावळ मध्ये आमच्या ऑफिसची एक।पार्टी झालीय.
तिथे veg मध्ये कोथिंबीर वडी देखील छान होती. बाकी टिपिकल पंजाबी भाजी स्टार्टर वै चव चांगली होती.
नॉनव्हेज प्रेमी लोकांनी चिकन रान आणि बिर्याणी वर ताव मारला. तिथे पावणेआठ पर्यंत पोहचले पाहिजे म्हणजे जागाही मिळते आणि सुरवातीला फार गर्दी नसल्याने तबियत मध्ये बनवलेले उत्तम चवीचे खाणे मिळते.
नंतर किचनमध्ये घाई होते. सुरवताची कोथिंबीर वडी इतकी छान होती की नॉनव्हेज प्रेमी लोकांनी एक डिश परत मागवलेली. त्यांना घाईत बनवलेली आली

सुर्या, महाग वाटले ते
आता आहे की अतिक्रमण मध्ये पाडले आहे?

कमलनयन बजाज स्कुल समोर धनश्री हॉस्पिटल लगत हॉटेल ओंकार pure veg.
स्नॅक्स साठी बरा option आहे.
पोहे उप्पीट मिसळ वै
वरच्या मजल्यावर जेवण मिळते.
मेस सारखे थाळी आणि काही इतर मेन्यू
Ok आहे
त्याचे स्टफ पराठे चांगले वाटले. घरगुती असतात तसे पण जाड आणि मोठे. बटर तूप असले नखरे नाहीत. पनीर आणि आलू पराठा आवडला.

2 update

1) शाहूनगर तामिलीयन डोसा
कवालिटी उतरली असे जाणवत आहे
2) शाहूनगर मधील काका हलवाई ब्रँच बंद पडली. त्याच्याकडे कंदी पेढे ( सातार्यापेक्षा वेगळ्या चवीचे होते मात्र ) आणि मँगो मलाई बर्फी मला आवडलेली.

रंगला पंजाब उगीचच महाग आहे..

>> 2) शाहूनगर मधील काका हलवाई ब्रँच बंद पडली. त्याच्याकडे कंदी पेढे ( सातार्यापेक्षा वेगळ्या चवीचे होते मात्र ) आणि मँगो मलाई बर्फी मला आवडलेली. >> ते स्पाइन रोडवर शिफ्ट झालेत/होतील.
---
बादवे आम्ही आजकाल बऱ्याचदा साऊथ डिलाईटला जातो. कुर्मा-अप्पम, आप्पे, साऊथ मिल्स वगैरे चांगले आहेत.
आता परवा तमिळ नवीन वर्ष म्हणून ३२०/- ला साद्या पार्सल आणलं. केळीच पान वगैरे दिलं होतं. छान होता मेनू.
---

या भागात घरगुती हेल्दी टिफीन देणारे कोणी आहे का?रोज भाकरी-भाजी-उसळ. शक्य असेल तर विकेंडला नॉनव्हेज.

पठारे खानावळ जेव्हा तळवडे मध्ये होती, तेव्हा चिकन रान पार्सल आणून खाल्लेलं.
मला नव्हतं आवडलं तेव्हा.

आताच्या मोशीच्या हॉटेलात थाळी घेतलेली, छान चव होती.
चिकन रान ट्राय करायला हवं पुन्हा एकदा.

मुर्ग मुस्सलम थरमॅक्स चौकातील पंजाबी रसोई मध्ये खाल्लेलं, छान होत

आज हिंजवडीच्या गोदावरी रुचुलू मधून चिकन फ्राय बिर्याणी मागवली. जाऊन खाणार होतो पण का कुणास ठाऊक मॅप वर दिसलेच नाही.

बिर्याणी: खडे मसाले आणि एकंदरच मसालेदार, तिखट (म्हणजे जाळ तिखट नाही) मला जशी आवडते तशी. चिकन पीस पण पुरेसे होते. प्रत्येक घासाला येईल इतपत चिकन होतं, सालन पण प्रॉपर चवदार होतं.
फक्त एकच, चिकन ज्यूसी नव्हतं. माझ्याकडून 4 स्टार!
अरोमा आजकाल जरा क्वालिटी वेगळी देतेय (किंवा मला कंटाळा आला असावा) म्हणून हे नवं काहीतरी try केलं.

खुसखुशीत कोकणी तळलेले थालीपीठ कुठं मिळेल?

ग्रँड हाय स्ट्रीट मॉल हिंजवडी ला वर सातू लिटी चोखा खाल्ले ते ओके वाटले(बिहार चा लिटी चोखा चा स्टॉल फूड मॉल ला, पण महाराष्ट्र ची भाकरी भाजी वरण भात चा स्टॉल महाराष्ट्रात नाही असंही वाटलं.भाकरी चे स्टॉल मॉल ला आले की बंद पडतात.लोकांची समजूत 'महाराष्ट्र खाणे म्हणजे भाकरी आणि लाल भडक तिखट खाताना 2 घास खाऊन टाकून द्यावी लागणारी शेवभाजी किंवा पिठलं' अशी झालीय बहुतेक.(किमान पिंपरी चिंचवड मध्ये तरी.) भाकरी असलेलं, पण टिपिकल खानदेश किंवा सावजी किंवा कोल्हापूर तिखट नसलेल्या,भरपूर मिरपूड मारून उग्र न बनवलेल्या नॉर्मल भाज्या द्या भाकरीसोबत, त्याची नीट जाहिरात करा की त्या सौम्य आहेत.अमराठी लोक भाकरी आवडीने खातात.बरोबर आकर्षण म्हणून पुरणपोळी आणि कोथिंबीरवडी ठेवा.इत्यादी डोक्यात आलं.) आम्ही बरंच तिखट खाणारे, पण काहीवेळा घरी मागवलेली मागवलेली शेवभाजी इतकी तिखट होती की पीठ मिसळून थालीपीठ म्हणून खावी लागली.

या धर्तीवर आता एक दोन वेळा पुणे सातारा हायवेवर हॉटेल वैशाली आहे, तिथलं मराठी खाणं जरा पोटाला झेपलं.तेल भेंडी(म्हणजे नॉर्मल भेंडीची परतून केलेली भाजी) आवडली.

तेल भेंडी म्हटलं की मला फक्त होर्डिंग्ज आठवतात. लिट्टी चोखा एकदा खायचा आहे.

सर्वोत्तम भेळ कुठं मिळेल?
चिंचेच्या काळ्या कोळात (गोड नव्हे आंबट), भडंग, हिरव्या मिरची पुदिनाच्या पेस्टचे पाणी, प्रमाणात फरसाण, असली तर छोटी मुगडाळ किंवा शेगाव कचोरी कुस्करून, बारीक चिरून कांदा, बारीक शेव, कोथिंबीर त्यावर रुपायएव्हढं दही, तळलेली मिरची, आणि खायला चमचा ऐवजी पापडी

अरिहंत मिसळ, चिंचवड गाव बस स्टॉप जवळ. बघा तुमची अपेक्षित चव मिळेल असे वाटतेय.

आरके बिर्याणी बद्दल काय मत आहे?

आरके बिर्याणी?
कुठे आहे?

इचलकरंजीच्या फेमस दत्त भेळच्या फ्रॅंचाईज शाखा मध्यंतरी दिसत होत्या. आता सुरू आहेत का माहीत नाही.
कोल्हापूर style भेळ.
पण हल्लीची भेळ बनवणारी पिढी ओली भेळ म्हणालो की हुं म्हणून चटणी टाकून भेळ एकदम ओली करून देतात. तशी नको, बेताची ओली असेल तर मजा खायला.
नाहीतर चटण्या ची टेस्ट overpower करते.

पीके बिर्याणी हाउस मधले जेवण नॉनव्हेज खाणाऱ्या मित्राना आवडले होते.
तिथे अळणी सूप दिले जाते नॉनव्हेज कोणत्याही ऑर्डर सोबत. शिवाय तांबडा पांढरा सप्लाय सुरू असतो. मित्रानी मटण हंडी वै घेतलेले. कांदा असतो दही लावलेला सोबतच.
Veg मध्ये थोडीफार व्हरायटी आहे.
बरी टेस्ट veg मध्ये. हे काळेवाडी कडून एम्पायर इस्टेट समोरच्या ब्रिजकडे जाताना डाव्या हाताला.

गुडलक आळंदी रोडला मोशी भारतमाता चौकच्या पलीकडे गेलो की.
तिथले नॉनव्हेज जेवण मित्राना अजिबात आवडले नव्हते.
गोडसर चव असलेलं मटण वै दिलेलं.
गरमागरम नव्हते, कोमट पेक्षा थंड रसा वै.
जाणकार मित्रांच्या मते मटण देखील शिळे वाटत होते.
तिथे veg ऑप्शन देखील एकदम कमी आणि below average टेस्ट.

अरिहंत ची मिसळ अजिबात आवडली नव्हती.
साखर जास्त होती त्यात. गोडसर चव.

आरके केटरर (बिर्याणी) गणेश अपार्टमेंट, पंचतारा नगर, सेक्टर 28, गंगा नगर आकुर्डी.

insta वर रीळ बघितलं आणि गूगल review पण चांगले आहेत. फक्त पार्सल मिळते, बसून खायची सोय नाही- एकंदर द्राविडी प्राणायाम घडणार आहे, म्हणून विचार करतोय, आधी इथं विचारून घ्यावं

नाही माहीत अजिंक्यराव
एरिया माहीत आहे.
अट्टल शौकीन आहात खाण्याचे हे कळालं
लांबून येउन खाण्याचे वेध लागलेत

सिंगापुर ला गणेश & कल्याण भेळ पुण्यातली फेमस ऐकून विकत घेतली, अव्वाच्या सवा किमतीत. पण एक्दम बोर बेकार. गोडसर वगैरे.
हल्दिराम ची अजिबात सर नाही.

अरेच्या, इथं लिहिलं नाही की कुणी इतक्यात:

आरके बिर्याणी 2 वेळा खाल्ली, चांगली वाटली, म्हणजे खुप उत्तम नाही, oily होती.. तिथला कबाब पण चांगला वाटला.

भेळेचा नाद मी सोडला आहे.

आकुर्डी रेल्वे स्टेशन भागात खूप चांगले जॉइन्ट्स आहेत, shawrma किंग तर आहेच, no review required.. त्याच्या जवळ एक केरळी रेस्तराँ आहे ते आवडलं होतं.

श्रावण स्पेशल: आकुर्डी स्टेशन जवळ माधव इडली अप्रतिम आहे, लातूर स्टाईल, दाण्याची- दालचिनी घातलेली ऑस्म चटणीत डिप केलेली जाळीदार इडली, चवदार जबराट सांबर, आणि थोडीशी लालसर चटणी एक.. नक्की try करा, बाकी पण पदार्थ मस्त आहेत.

त्याच माधव इडलीसमोर, ओवरसिज बँकेसमोर स्वामी समर्थ वडापाव, मूग भजे.. लैच म्हणजे लैच मस्त वडापाव, मूगभजे.. वडापाव मला सहजा सहजी आवडत नाही, पण इथला आवडला.. भजे तर काय सांगावं.. कुरकुरीत, चवदार अहाहा

बाहेर खायला जाणे कमीच झालेय हल्ली अजिंक्य राव

तुम्ही आर के ला येउन गेलात
शौकीन आहात

किवळे चौकात कृष्णा नावाचे रेस्तराँ आहे. पार्किंगसाठी जागा आहे. माझ्याकडे त्यांचा नंबर सुद्धा आहे.
किवळे भागात आलात तर भेट देऊन बघा.
एकदा माझ्याकडून त्यांना पेमेंट (जी पे) झालेलं. ते पैसे सुद्धा त्यांनी दुसर्‍या दिवशी परत केले.

फिल्मस्टार जितेंद्र ने पण एक खानावळ सुरू केलीय सिंबॉयसिस च्या रस्त्याला. पण महाग असेल म्हणून अजून बघितलं नाही.

अरेच्चा
हा धागा माहितच नाही.
मस्त आहे
पुढच्या वेळी आलो की ट्राय करेन

फिल्मस्टार जितेंद्र ने पण एक खानावळ सुरू केलीय सिंबॉयसिस च्या रस्त्याला>> नाव काय?

फिल्मस्टार जितेंद्र ने पण एक खानावळ सुरू केलीय सिंबॉयसिस च्या रस्त्याला>> नाव काय? >>>>>
ताकीओताकी किंवा ग्रॅन्ड हिम्मतवाला हिंदू खानावळ

मी अजून दर्शन नाही घेतलेलं. हाय लाऊंज कि एच १ लाउंज नाव आहे.
मसाला पापड ऑर्डर करावा लागेल असं दिसतंय एकूण प्रकरण.
अशा महागड्या प्रकरणाला खानावळ म्हणतात.

एच १ लाऊंज हेच नाव आहे.

१५ ऑगस्टला कृष्णा मधे सायकलग्रुपचं गेट टुगेदर आहे.
गेले तर येताना आवर्जून बघेन एच १.

रावेत बीआरटी रोडला (मुकाई चौकापासून 300 मीटर) "ले स्टोन" आवडलं. गार्डन, हटस आणि डायनिंग हॉल.
थोडं महाग आहे. कुणी माबोकर भेटेल म्हणून तिथे असतानाच मायबोलीवर लिहीले.
लोकहो, नक्की जा. खूप सुंदर आहे. पार्टीला पण छान. कोपर्‍यात बार आहे तेव्हढंच आवडलं नाही. अशा फॅमिली रेस्तराँ मधे बार असूच नयेत.