केक मेकिंग, बेकिंग आणि डेकोरेटिंग टिप्स आणि प्रश्नोत्तरे

मला साखरेच्या जागी मध किंवा खजुर हा पर्याय वापरुन केक्स करायचेत. १ वाटी साखर असे पाकृत दिले असेल तर त्या जागी मध्/खजुर किती वापरावा? खजुर मिक्सरनधुन काढावा का??

काल मी संजीव कपूरच्या पाकृप्रमाणे एगलेस मावा केक केलाय. फार सुंदर आणि चविष्ट झालाय.

मूळ पाकृमध्ये 2 टिस्पून कॉर्नफ्लार किंवा कॉर्नस्टार्च सांगितलाय... मी घरी घेऊन जायला विसरले आणि अर्थातच केकमध्ये घातलं नाही. तर त्या कॉर्नफ्लारचं कार्य नक्की काय असतं?
तसंच त्याने पाव कप ताक आणि कन्सिस्टन्सी अॅडजस्ट करण्यासाठी लागेल तेवढं दूध असं सांगितलंय. ताक घालण्याचा उद्देश काय?

ब्राझिल मधे आमच्या ह्या हा व्हेजिटेबल केक शिकल्या होत्या. भारतात पब्लिकमधे सुपर हीट.

एम्बी पावलोवा नावाचा सर्च मार. आमच्या घरी आई तेच करून दाखव नावाचा धोशा लागला आहे. ते हिने पाहिले मास्टरशेफ वर अन मला कस्ले येतेय. पण नाही आता रविवारी पावलोवाच. खूप बीटिन्ग करावे लागते. एग्स मग क्रीम वर टॉपिन्ग साठी. डॉन त्रिविक्रम रेसीपी टाकायला सांग डॉनराणीला.

मंजू, बिनाअंड्याच्या बहुतांशी केक्स मध्ये दही /ताक वापरायला सांगतात. तसंच बर्‍याचदा केकमध्ये अंडं असेल तरी जर मैद्याऐवजी गव्हाचे किंवा दुसरे कुठले पीठ वापरले असेल तरी दही असतं रेसेपीमध्ये. बहुतेक केक हलका होण्याचा आणि याचा काही संबंध असेल. (अर्थात हा आपला माझा एक अंदाज. :))

होय होय, आंबट अंशामुळे केक फुगायला आणि जाळीदार व्हायला मदत होते- सोडा बायकार्ब/ दही/ ताक- त्यासाठीच असतं कृतीत.

कॉर्नस्टार्च दाटसरपणासाठी, मिळून येण्यासाठी वापरतात. मावा म्हणजे खवा, तो तसा मोकळा असतो ना, तो मिळून येण्यासाठी कॉर्नफ्लार/ स्टार्च. मन्जे कृती टाक प्लीज, नायतर मेल तरी कर

विक्रम तुमच्या ह्यांनाही कृती टाकायला सांगा की. पिझ्झासारखं दिसतंय, मस्त टेम्प्टींग आहे. ब्राझिलची म्हणजे एकदम ऑथेंटिक कृती असणार.

मंजू, कृती टाक, हे लिहायलाच विसरले.
विक्रम, तुमच्या ह्यांच्या कृतीची पण वाट बघतेय.

मामी, पोर्णिमाताई, अल्पनाताई, ओके, सांगतो.
दिसायला वरून पिझ्झा पण टेक्षर नेहमीच्या केक सारखच.

बिनअंड्याचा मावा केक

साधना, शक्यतो केकमधे मध वापरू नको. आयुर्वेदाप्रमाणे मध तापवायचा नसतो त्याचे गुणधर्म बिघडतात. पाश्चात्य जनता कितीही काहीही करत असेल तरी आपल्याला कारणे माहिती असल्याने शक्यतो तसे करु नये.

मंजु,

केक हलका होण्यासाठि मैद्यामध्ये कार्बन डाय ऑक्साइड चे बुडबुडे तयार होण आवश्यक असत, म्हणुन बेकिंग पावडर वापरतात. बेकिंग पावडर म्हणजे अ‍ॅसिड (टारटरिक अ‍ॅसिड मोस्टलि), अल्कलि (सोडिअम बायकार्बोनेट ज्याला आपण बेकिंग सोडा म्हणतो) आणि इनर्ट पदार्थ (जसे कॉर्न किंवा पोटॅटो स्टार्च) ह्याच मिश्रण असत. स्टार्च फिलर म्हणुन (व्हॉल्युम वाढवायला ज्याने आपण घरगुति चमचा किंवा टेबलस्पुन ने बेकिंग पावडर मोजु शकु) आणि हाय्ग्रोस्कोपिक (पाणि शोषुन घेणारा पदार्थ ज्यामुळे अ‍ॅसिड+अल्कलि रिअ‍ॅक्शन आधिच म्हणजे डब्यातच सुरु होत नाहि वातावरणातल्या वाफेने) म्हणुन वापरतात.

संजीव कपुर ने बहुदा केक रेसिपि मध्ये बेकिंग पावडर ऐवजी बेकिंग सोडा वापरला असावा किंवा मग दोन्हि थोड थोड वापरल असाव अश्या रेसिपिज मध्ये इथे क्रीम ऑफ टारटर वापरायला सांगतात (पोटॅशिअम सॉल्ट ऑफ टारटरिक अ‍ॅसिड) वापरायला सांगतात ते पाण्याच्या सम्पर्कात आल्यावर मिश्रणात टारटरिक अ‍ॅसिड रिलिज करते. हे भारतात सहज रित्या उपलब्ध नाहि बहुदा म्हणुन त्याने डायरेक्ट टारटरिक अ‍ॅसिड म्हण़़जे ताक वापरले.

रमा
मग एरवी केक करताना द्रवपदार्थ कमी पडल्यास दुधाऐवजी ताक वापरणं योग्य का?

संजीव कपूरने दीड कप मैद्यासाठी प्रत्येकी एक टीस्पून बेकिंग पावडर आणि बेकिंग सोडा सांगितलाय, दोन टेबलस्पून कॉर्न स्टार्च आणि शिवाय पाव कप ताकही सांगितलंय.

विक्रम ३११,
अहो रेसिपी टाका ना?

विक्रम मस्त दिसतोय केक. तो व्हेज फ्रिटाटा आहे का?

विक्रम क्लास च दिसतोय तो पदार्थ.
मला पण व्हेज फ्रिटाटाच वाटतोय तो. मी जो व्हेज केक पाहिलाय त्यात व्हेजीज अशा वर दिसत नाहीत.

<<<<एरवी केक करताना द्रवपदार्थ कमी पडल्यास दुधाऐवजी ताक वापरणं योग्य का?>>>

नाहि ग प्रत्येक केक मध्ये नाहि चालणार कारण अ‍ॅसिड अल्कलि रेशो बिघडेल ना. पण क्रीम ऑफ टारटर ला पर्याय म्हणुन चालु शकेल.

अहो तायांनो टाकतो रेसिपी रविवारी, मॅडमनी केला तर परत फोटोही. व्हेज फ्रिटाटा म्हणजे मला माहित नाही. पण वरचा पिझा अ‍ॅपिअरन्स सोडल्यास केक नेहमीच्या केक सारखाच असतो.

मिनोती, धन्स गं.. मीही मधाबद्दल वाचलंय, त्यामुळे जरा शंका होतीच मनात.

मला वाटते, ड्राय्फ्रुट केक किंवा प्लम केकमध्ये खजुर चालु शकेल. जिथे एक वाटी साखर आहे तिथे अर्धा किंवा पाऊण वाटी खजुर घेतल्यास गोडाचे प्रमाण बरोबर मॅनेज होईल असे वाटते. मला नेहमी साखरेपेक्षा खजुर जास्त गोड वाटतो.

एक अर्जंट प्रश्न.

आत्ता केक करतेय. एक केक बेक करायला ठेवला अन दुसर्‍याचे मिश्रण भांड्यात काढताना, चुकुन फक्त बटर लावलेल्या भांड्यात काढले. बटरच्या वर नेहेमीप्रमाणे मैदा भुरभुरायला विसरले. तसाच बेक करायला ठेवला तर केक सुटून येईल का?
का ते सगळे मिश्रण परत दुसर्‍या भांड्यात काढू ? अजून १५-२० मिनिटं आहेत माझ्या हातात.

अल्पना नो प्रॉब्लेम. काळजी करू नकोस. काढतांना थोडा काळजीपूर्वक काढावा लागेल पण केक सुटून येइल .

थँक्स रुनी.

निघाला निघाला केक. अगदी आरामात.
रुनी, लाजो दोघींनाही खूप धन्यवाद.

मी इथे क्रिम आयसिंगबद्दल विचारलेले... मी अमुल क्रिम आणुन आयसिंग केले ते जमले नाही नीट. तेव्हा सल्ला मिळाला की हेवी फॅट असलेले क्रिम वापरावे लागेल तरच घट्ट आयसिंग जमेल. ३०% पेक्षा जास्त फॅट कंटेंट असायला हवा. मी अमुलचा डब्बा चेक केला नव्हता त्यामुळे फॅट कंटेंट माहित नव्हता.

मी काल परत अमुल क्रिम आणले. त्यावर लो फॅट क्रिम छापलेय. २५% फॅट. म्हणजे क्रिम आयसिंग चे स्वप्न कायमचे मोडले मी तरी आयसिंग शुगर वगैरे वापरुन प्रयत्न केला पण आयसिंग अजिबात घट्ट व्हायचे नाव घेत नाहीये. जाउदे. पुढच्या वेळेपासुन बटर किंवा अंडे वापरेन.

साधना, साधाराण २० एक वर्षापूर्वी मी भारतात आयसिंगचा प्रयोग केला होता तो मस्त झालेला.

१/२ वाटी घरचे लोणी अगदी स्वच्छ धूवुन सगळे पाणी स्वच्छ निघेल इतपत धुवायचे. लागेल तसे फ्रीजचे पाणी घ्यायचे म्हणजे लोणी खुप पातळ होत नाही.
आता एका पसरट बाऊलमधे ते लोणी नीट फेटायचे. त्यावेळी तरी हातानेच केले होते ते सगळे. लोणी पातळ होतेय असे वाटायला लागले तेव्हा मोठ्या तसराळ्यात निम्मे पाणी निम्मा बर्फ असे घेउन त्यात हे लोण्याचे बाऊल ठेवुन मग फेटले (साधारण १५-२० मिनीटे).
आता त्यात बसेल इतकी आयसिंग शुगर घालत गेले. हलक्या हाताने फेटत गेले. या आयसिंगची कन्सिस्टंसी साधारण मेहेंदीहुन थोडी घट्ट व्हावी इतपत साखर घातली. मग त्यात पायनॅपल इसेन्स घातला. पिवळ्या रंगाचे २ कण घातले अगदी नकळत पिवळा रंग आला होता.
ते आयसिंग केकवर उलथण्याने लावले होते.
साधारण ३-४ चमचे आयसिंग ठेवले शिल्लक तर त्यातल्या निम्म्यात हिरवा आणि निम्म्यात लाल रंग घातला (अगदी किंचित). ते मिश्रण मेंदीच्या कोनात भरून छोटी गुलाबाची फुले (आळी टाक्याची गुलावाची फुले कशी असतात तशीच) आणि हिरव्याने त्याला देठ आणि पाने असे केले होते.

हा प्रयोग करुन बघू शकतेस तुला इच्छा असेल तर.

मिनोती थँक्स गं.. तु सुचवलेला प्रयोग करुन पाहते.

तसेही मी अगदी बाजारातल्यासारखे आयसिंग जमेपर्यंत स्वस्थ बसणार नाहीच आहे..

इथे कोणी fondant वापरले आहे का केक decoration साठी?

हो मी वापरलेय केक खुप छान दिसतो पण चव अतिशय वाईट असते शिवाय एक औषधि वास पण असतो.

मी केक करते तेव्हा तो कधीकधीवरुन जरा करपतो. याचे कारण बहुतेक माझा अवन छोटा आहे हे असावे.

तो असा करपु नये म्हणुन भांड्याला वरुन अ‍ॅलुमिनियम फॉइल लावावी काय? फॉईल लावल्यास केक नीट फुगेल काय?

दुसरा उपाय म्हणजे अवन आधी जास्त तापमानावर ठेऊन सणसणीत तापवुन घ्यायचा आणि मग केक आत ठेवताना फक्त बॉटम कॉइल चालु ठेवावी. वरची बंद ठेवावी. पण असे केल्यास केक नीट बेक होईल काय ??