केक मेकिंग, बेकिंग आणि डेकोरेटिंग टिप्स आणि प्रश्नोत्तरे

Submitted by लाजो on 19 July, 2010 - 21:44

केक हा जवळजवळ सगळ्यांचाच जिव्हाळ्याचा पदार्थ Happy मायबोलीवर विविध केक्स, लोफ आणि मफिन्स इत्यादींच्या च्या वेगवेगळ्या तोंपासु पाककृती भरपुर आहेत.

परंतु बेसिक केक कसा करावा, ओव्हन टेम्परेचर काय असावे, सेल्फ रेसिंग फ्लार म्हणजे काय, भांडी कुठली वापरावीत, केक का फाटला/बसला, आयसिंग करताना कुठली साखर वापरावी, बटर वापरावे का क्रिम? असे अनेक प्रश्न, अनेक वेळेला विचारले जातात. युक्ती सुचवा बीबी वर किंवा त्या त्या पाकृ मधे काही उत्तरे ही मिळतात. पण जेव्हा केक करायचाय आणि असे बेसिक प्रश्न पडलेत तेव्हा शोधा शोधी करत बसण्यापेक्षा हा धागा उपयोगाचा ठरु शकेल.

इथे मी एक बेसिक बटर केक आणि बटर आयसिंग ची कृती दिली आहे. अजुन कुणाच्या काही खास आयडियाज्, टीप्स असतिल तर त्या या धाग्यावर लिहा.

बेकिंग मधे वापरले जाणारे काही खास शब्द जसे फोल्डींग, क्रिमिंग त्यांचे अर्थ आणि विश्लेषण इथे लिहा.

इथे तुमच्याकडे असलेली बेकिंग साठी लागणारी भांडी, उपकरणे यांचे फोटो पण टाका. एखादे खास उपकरण असेल तर त्याचा वापर कसा, कश्यासाठी करता ते ही लिहा Happy

हॅप्पी बेकिंग Happy

---------------------------------
बेकींग आणि केक साठी लागणारे साहित्य -

बर्‍याचदा बेकींगसाठी अथवा अभारतीय पदार्थ बनवतांना लागणारे साहित्य मुंबईत कुठे मिळेल याबद्दल चौकशी केली जाते. सीमाने दिलेल्या फुड ब्लॉगवर ही मुंबईतल्या ठिकाणांची आणि मिळणार्‍या वस्तूंची एकत्रित यादी मिळाली.

बेकींगसाठी मुंबईत सामान मिळण्याच्या ठिकाणांची यादी इथे मिळेल....

"बेकींग-इन-बॉम्बे"

या मिहितीसाठी - धन्यवाद रूनी पॉटर Happy

विषय: 
पाककला
शब्दखुणा: 
केक
बेकींग
आयसिंग
डेकोरेशन
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

वॉव, हे सगळं हाताने केलंस तु सीमा!! ग्रेट आहे. किती सुबक आणि सुंदर. शिवाय रंगसंगती, सजावट सगळं अगदी अप्रतिम दिसतंय.

Submitted by सावली on 4 June, 2013 - 02:59

ओह, सुपर्ब!!!
( कसल्या पर्फेक्ट वेळी फोटो टाकलेस. ४ आठवड्यात मला सुद्धा केक पॉप्स बनवायचेत, ९ व्याच वाढदिवसाचे :). त्यासाठी आयडियाज कलेक्ट करतेच आहे, यासाठी तुला मेल करते. थीम डान्स असणार आहे. )

Submitted by संपदा on 4 June, 2013 - 14:57

sahich !

Submitted by डॅफोडिल्स on 4 June, 2013 - 16:09

भारतात सहसा जे व्हिपिंग क्रिम म्हणून वापरलं जातं उदा ट्रोपोलाईट ते ओरिजनल म्हणजे मलईपासून बनवलेलं नसतं तर तेल वगैरे वापरुन तयार केलेलं आहे. टाळू शकत असाल तर नक्कि टाळा

Submitted by भान on 5 June, 2013 - 09:28

मी केक माओत बनवते. पण माझा केकला भेग पडते. मी बेकींग सोडा , पावडर मोजून घालते. असा का होता तरीही?

Submitted by हेमाली on 13 June, 2013 - 04:20

प्राची, पाण्याचा बाऊल मावेतल्या फिरत्या काचेवर ठेवायचा की काचेच्या बाहेर चालेल?

Submitted by मंजूडी on 13 June, 2013 - 05:22

पाण्याची वाफ होऊन मॉइश्चर राहते केकमध्ये. केक कोरडा होत नाही.
बॉसची बायको करायची ही ट्रिक. मस्त व्हायचे त्यांचे केक्स.

Submitted by प्राची on 13 June, 2013 - 06:25

आधी चे प्रतिसाद सगळे वाचु शकले नाही ...
माझ्या मुलिचा वाढदिवस पुढच्या महिन्यात आहे....
आमच्या कडे ओव्हन नाहिये.....
केक ओव्हन शिवाय कोणि केला आहे काय?
करु शकतो काय?
आणि कसा?

Submitted by _आनंदी_ on 13 June, 2013 - 06:29

मी गेल्या पंधरवाड्यात मुद्दाम गॅसवर करुन पाहिला. मोठे पातेल्यात एक रिंग ठेवली. ५ मिनीट गॅस फुल केला. ५ मिनीटांनी केकचे भांडे रिंगवर ठेवुन गॅस मिनीमम केला. पातेल्यावर एक झाकण ठेवले. झाकण दर २० मिनीटांनी उलटे केले, जेणेकरुन वाफेचे झालेले बाष्प केकमधे पडुन नये. मस्त झाला केक. पण ओव्हनच्या दुप्पट वेळ लागला. हे सगळे मोठ्या बर्णरवर केले. मला वाटते एक्दम मिनिमम न करता थोडी जास्त फ्लेम ठेवली असती तरी चालले असते.

पुर्वीची ओव्हनमधे केक ठेवल्यावर लाईट गेले तेव्हा हा उद्योग केला होता.

Submitted by वर्षा_म on 13 June, 2013 - 08:33

. please help....चौकोनी tray मधे केलेला केक कसा कापावा? cream filling आहे आणी party मधे serve करायचा आहे...suggessions please

Submitted by माउ on 11 August, 2013 - 17:20

माउ, कापलास का केक?

चौकोनी केकचे चौकोनी/आयताकृती तुकडे कर किंवा केक X कापुन त्याचे वेजेस्/त्रिकोनी तुकडे करता येतिल.

Submitted by लाजो on 11 August, 2013 - 18:35

Pages