युक्ती सुचवा/ युक्ती सांगा

मामी, नेहमी अर्ध चिरलेलं एक लिंबु फ्रिजमधे ठेवायचं, कशाचेही वास येत नाहीत

लिम्बाची चकती पाण्यात घालून फ्रीज मधे ठेवावी.

तो मेन्यू विचारायचा धागा कुठला, हाच का?

मला विकेंडला ७-८ जणांसाठी पावभाजी करायची आहे. भाज्या किती लागतील ?

धन्यवाद लोक्स. करून बघते.

जेवणाऐवजी पावभाजी असेल तर, पाऊण ते एक किलो बटाटे, अर्धा किलो टॉमेटो, साधारण २ वाट्या मटार, अर्धा किलो कांदा, अर्धा किलो भोपळी मिरची, अर्धा किलो फ्लॉवर, पाव किलो फरसबी लागेल.

वरुन घालायला पाव किलो कांदा, १ जुडी कोथिंबीर आणि २-३ लिंबं.

जबरी! थँक्स अश्विनी.. जेवणाऐवजीच आहे पावभाजी..

पुरली नाही तर सगळे खादाड आहेत आणि उरली तर सगळे डाएटवर आहेत समज

दोन बटाटे एक्स्ट्रा शिजवून ठेव. मीठ बीठ जास्त झालं तर ढकलून दे भाजीत. नाही लागले तर उद्या पराठा.

अश्वे खरी सुगरण शोभतेस हो... कधी बोलवतेस जेवायला?

आम्हा खादाडांसाठी अश्विनीने आणली होती पावभाजी.. अगदी यम्मी यम्मी!!

अगं बस्केला एवढ्या भाज्यांसाठी आल्या- लसणीचं पण प्रमाण सांग. पेस्ट घालावी लागेल ना भाजीत.

मंजे, पण त्या दिवशी काश्मिरी मिरचीचं तिखट आणायला विसरले होते गं त्यामुळे लाल नाही झाली भाजी.

बस्के (हे उभटच्या विरुद्ध वाटतं ) ८-१० लसूण पाकळ्या आणि साधारण २ इंच आलं वाटून घाल.

बेडेकरांचा (टण्या नव्हे ;-)) पावभाजी मसाला घातला तर मस्त लाल रंग येतो भाजीला आणि चवही छान येते. मी हल्ली तोच पावभाजी मसाला वापरते.

ह्म्म्म. ट्राय केला नाहिये. एव्हरेस्टचा असतो माझ्याकडे. या वेळी बेडेकरांचा (टण्या नव्हे) आणेन. पण थोडं काश्मिरी तिखट संग्रही ठेवलं पाहिजे असं वाटतंय मला. आपलं गटग झाल्यावर आम्ही ३५ जणी पळसधरीला गेलो होतो तेव्हा तिथल्या एका घरी ६० जणांसाठी पावभाजी केली होती सामुहिकरित्या. तेव्हा एकीने पुरचुंडीत काश्मिरी तिखट आणलं होतं. दोन चमचे घातल्यावर अस्सा काही रंग आला की बस !!!

आम्हा खादाडांसाठी अश्विनीने आणली होती पावभाजी
>>
सगळा मेन्यु आठवुन परत तोंडाला पाणी सुटलंय..

पूनम, मी सुद्धा कितीतरी वेळा आलं लसूण घालत नाही. मसाला असतोच व्यवस्थित घातलेला पण लसूणही भरपूर घातला तर एकदम भपकारा येईल भाजीला म्हणून मी घातलीच तर बेतानंच घालते. ८-१० लसूण पाकळ्या वाटून मध्यम मलई पेढ्याएवढी होईलच की !

ए नाssही, आल्या लसणीच्या पेस्टशिवाय पावभाजीला चव नाही

जाऊ दे, बस्केला ठरवू देत.

बस्के गेली सुद्धा भाज्या आणायला मार्केटात. आपण बसलोय वर्चुअल पावभाजी बनवत. मंजे तुझं ते "ए नाssही" हे समोरच म्हटल्यासारखं वाटलं, ऐकूही आलं मला

हेहे.. नाही अजुन नाही गेले.. आता झोपणार. उद्या जाणारे.. तशी भरपूर खूप वेळा केलिय. पण इतकी जास्त जरा अंदाजपंचे करण्यापेक्षा हे बरं ना? माझ्याकडे एव्हरेस्ट व बादशाहचे मसाले आहेत. बहुतेक बेडेकर नाही.

हे काश्मिरी तिखट कुठेही मिळत का?? आणि हो आललसुण हवाच. त्याशिवाय पावभाजीला मजा नाही.
दुकानातल्यासारखा पावभाजीचा रंग माझा बै कधीच आला नाहिये. ते रंग घालतात अस ऐकलय मागे.

दुकानातल्यासारखा पावभाजीचा रंग माझा बै कधीच आला नाहिये.
ते रंग घालतात अस ऐकलय मागे.>>>> हे ऐकवुन माझीही रंग न आलेली पावभाजी खपवलीये मी अनेकदा

मिसळ पण करते ना, कध्धी कध्धी रंग आणि तवंग येत नाही.:(

अश्वे खरी सुगरण शोभतेस हो... कधी बोलवतेस जेवायला? >>>> मोदक (जेवायलाही मोदक चालतील

ज्ञाती , तवंग येण्यासाठी छोट्या कढईत तेल गरम कर आणि मग त्यात थोड तिखट घाल मग ती फोडणी मिसळीवर ओत. मस्त तवंग येइल.

माझी बहिण बीट रुटचा एखादा तुकडा घालते पावभाजीत रंगासाठी.

मस्त तवंग येइल>>> आत्ता घालते मटकी भिजायला.
माझी बहिण बीट रुटचा एखादा तुकडा घालते पावभाजीत रंगासाठी.>> चांगली आहे आयडिया.
रच्याकने, स्टुडंट अस्ताना, आम्ही केसाचे तेल करुन विकायचो. जास्वंदीच्या तेलाला रंग येण्यासाठी मन्जिष्ठाच्या चार काड्या टाकायचो, मस्त रंग यायचा तेलाला. घेणारे खुश

येप.. माझ्या वहिनीची बहिणही घालते पावभाजीत बीट. पण मी काही अजुन ते ट्राय केलेल नाहिये.

बीटाचा लाल रंग वेगळा आणि तिखटाचा लाल वेगळा अस नाही वाटत का?

आर्च, अग अस वाटत म्हणुनच तर नाही वापरलय अजुन पर्यंत पण एकदा ट्राय करणारे.

संजीव कपूरच्या वेबसाईट वर पावभाजीची छान रेसिपी आहे.सोपी, आणि रंगाला, चवीलापण छान..

पेपरीका घातलं की पण छान लाल रंग येतो मिसळ/पावभाजी ला. पण जास्त झालं तर एक उग्रपणा पण येतो.

छ्या, हे वाचुन तोंडाला पाणी सुटलय... या विकांताला करायलाच लागणार पावभाजी... त्याशिवाय पोटात्मा शांत व्ह्यायचा नाही