शशक २ - फॅमिली व्लॉग - मॅगी

Submitted by मॅगी on 29 August, 2025 - 07:51

"करण, ब्लॅक टीशर्ट, म्हणजे पोट दिसणार नाही आणि जरा फास्ट!" करण ट्रेडमिलवर जोरात पळू लागला. तिने स्वतःच्या मॉडर्न, सेक्सी मॉम लूकवर शेवटचा हात फिरवून पुन्हा रेकॉर्ड करायला सुरुवात केली. आज व्ह्यूज वाढायलाच हवेत.

तिने घरभर फिरून चकाचक फर्निचर, नवीन घेतलेल्या/जाहिरात करायच्या वस्तू दाखवल्या. मांजर पायात घोटाळल्यावर मनात आलेली शिवी दाबून तिला कॅमेरासमोर कुरवाळले.

"अरे, टीयांश?" ती खोलीत शिरली. "बघा हा आमचा गोडुला नेहमीप्रमाणे पबजी खेळतोय" ती कॅमेरात बघत खोटं गोड हसली.

अचानक दरवाजा धाडकन उघडला आणि मास्क घातलेल्या एकाने तिच्यावर गोळी झाडली. टीयांशने निर्विकारपणे मोबाईल तिच्यावर रोखला. "मला वाटले नव्हते, तू कधी असा वागशील..." ती कोसळली.

विषय: 
गद्यलेखन
उपक्रम
शब्दखुणा: 
Maayboli ganeshothsav 2025
Groups audience: 
मायबोली गणेशोत्सव २०२५
Group content visibility: 
Public - accessible to all site users
शेअर करा

???

Submitted by केशवकूल on 29 August, 2025 - 08:12

छान .जमलीय.
रियालिटीच मांडलीय इन्फ्लुइन्सरांची .

Submitted by सिमरन. on 29 August, 2025 - 11:09

चार पाच वर्षापूर्वी पबजीने उच्छाद मांडला होता . मुल वेडी झालेली या नादपायी . कुठेही रस्त्यात , इमारतीत रात्र म्हणून नाही की दिवस नाही या पब्जी पायी खुलावली होती. तेव्हा जी भीती वाटत होती ती अचूक पकडली आहेस कथेत . आवडली कथा

Submitted by जाई. on 29 August, 2025 - 11:30

वस्तुस्थिती मांडलीत !

इडियट इन्फ्लुअन्सर्स. मुलांना वेठिला धरतात. >>
किंवा मुलांना पुढे करून पैसे कमावतात. त्या चिमुकल्यांची निरागसातच हरवून जाते.

Submitted by छन्दिफन्दि on 29 August, 2025 - 12:01

बापरे, सॉलिड लिहिलंय.
ब्लू व्हेल गेम्स बद्दलच्या बातम्या डोळ्या समोर येऊन गेल्या

Submitted by अni on 30 August, 2025 - 22:56