वाद होता पेरला दोघात मित्रांनी

Submitted by महेश मोरे स्वच्छंदी on 3 May, 2022 - 03:15

घेतली जाणून माझी जात मित्रांनी
काढली नंतर उभ्या चौकात मित्रांनी

चल गळा कापू म्हणाले दुश्मनाचा अन्
कापला माझाच अंधारात मित्रांनी

फक्त इतक्यानेच सौख्याचे धनी झाले
दोन अश्रू ढाळले दुःखात मित्रांनी

यार ! दगडाच्या तळाशी ठेवला माझा
काढला अपुला खुबीने हात मित्रांनी

नेमका आला समोरच भोवरा माझ्या
अन् मला सोडुन दिले पाण्यात मित्रांनी

दुश्मनांनी शर्थ केली ना तरी मिटला
वाद होता पेरला दोघात मित्रांनी

©® - महेश मोरे (स्वच्छंदी)

शब्दखुणा: 
Group content visibility: 
Public - accessible to all site users

काही काही शब्द गळाले आहेत का. खाली दिलेली वाक्ये अपूर्ण वाटतात

काढली नंतर उभ्या चौकात मित्रांनी
यार ! दगडाच्या तळाशी ठेवला माझा