रंगारी

Submitted by अदिती ९५ on 29 April, 2022 - 22:49

आभाळाच्या पटावरी
आहे एक रंगारी
नित्य नवी नक्षी पहा
रोज कैसी चितारी

पूर्वेला रामप्रहरी
ये कुंचला घेऊनी
लाल पिवळा केशरी
छटा त्या नाना परी

सांज होता पश्चिमेला
जांभळा नी गुलाबी
शुभ्र मेघांचे पुंजके
वा लकेरी तयावरी

मेघ बरसता कधी
रंग सात उधळी
निळे नभ हे राती
कृष्णरंगी रंगवी

शब्दखुणा: 
Group content visibility: 
Public - accessible to all site users

आवडली कविता

रंगछटांच्या शब्दछटा उत्तम !