१ वाटी तीळ किंवा दाण्याचा कूट, १ वाटी गूळ, १ टे स्पून साजूक तूप
तीळ मंद आचेवर रंग न बदलू देता भाजून घ्यावेत. एका पसरट ताटात गार करायला ठेवावेत. दाण्याची चिक्की करायची असल्यास भाजलेल्या दाण्यातले १०-१२ दाणे सालं काढून अर्धे करुन घ्यावेत. उरलेल्याचा जरा भरड कूट करावा.
एका थाळ्याला आणि वाटीच्या तळाला (बाहेरुन) तूपाचा हात लावून ठेवावे. कढईत अथवा जरा खोलगट पॅनमध्ये तूप गरम करावे. त्यात गूळ घालावा. आंच एकदम मंद ठेवावी. गूळ किसलेला नसल्यास कढईतच खडे जरा मऊ करुन फोडावेत. गुळाचा पाक होऊन फसफसायला लागेल. पाक सतत ढवळत रहावा.
एका वाटीत गार पाणी घेऊन त्यात थेंबभर पाक घालावा. पाक लगेच कडक होउन छान खुटखुटीत झाला तर तयार झाला समजायचा (हो, खाऊन बघावा). पाक-चाचणी फेल गेल्यास आणखी थोडा वेळ फसफसु द्यावा. पाक झाल्यावर आंच बंद करावी. आता पाकात भाजलेले तीळ अथवा दाण्याचा कूट घालून भराभरा हलवावे आणि लगेच मिश्रण थाळ्यात घ्यावे. वाटीच्या तळाने सरसर पसरवावे. आपल्या (खाण्याच्या/देण्याच्या) कुवतीप्रमाणे जाडी ठेवावी. गरज पडल्यास थोडा तुपाचा हात लावून एक सारखे करुन घ्यावे. वड्या पाडायच्या असतील त्याप्रमाणे सुरीने थोड्या खाचा करुन घ्याव्यात म्हणजे नंतर वड्या तुटत नाहीत.
पाचेक मिनिटात वड्या बर्यापैकी गार होउन निघायला लागतात. थाळ्याला चिकटल्याच तर थाळा अगदी पाच सेकंद गरम करावा. चिक्की तय्यार!
मी पॉलिश्ड तीळ वापरलेत पण अशा चिक्कीसाठी साधे- गावराण हावरी- तीळ घ्यावेत. मस्त खमंग लागतात ते तीळ.
धगा वर काढतेय. धन्यवाद तृप्ती
धगा वर काढतेय. धन्यवाद तृप्ती ह्या सोप्या रेसेपीबद्दल.
मस्त आहे
मस्त आहे
गजक बोलतो आम्ही यालाच.
यात थोडा रोझ इसेंस टाकला तर
यात थोडा रोझ इसेंस टाकला तर मस्त फ्लेवर येतो.
शक्य असेल तर धाग्याचे नांव
शक्य असेल तर धाग्याचे नांव एडिट करून तिळाची चिक्की / तिळाच्या वड्या असे करावे असे सुचवितो.
**
गजक बोलतो आम्ही यालाच.
<<
गजक हा स्पेसिफिकली वेगळा पदार्थ आहे. तीळ व गूळ एकत्र कुटून तयार केलेला तो इंदोरी पदार्थ आहे.
मी आजच केली, मस्त खुसखुशीत
मी आजच केली, मस्त खुसखुशीत झाली.गावाकडचा unpolish तीळ दिले शेजारणीने
या पद्ध्तीने यावेळी चिक्की
या पद्ध्तीने यावेळी चिक्की करुन पाहिली एक वाटीची. पाकाची टेस्ट केलीच नाही बहुतेक त्यामुळे सॉफ्ट झाल्यात चिक्क्या. बच्चेकंपनीला त्यामुळेच आवडल्या
या सीझनमध्ये 2 वेळा केल्या.
या सीझनमध्ये 2 वेळा केल्या. मस्तं झाल्या. एकदम फुलप्रूफ रेसिपी आहे.
भराभर पसरवणे आणि वड्या नीटपणे निघणे यासाठी अजून प्रॅक्टिस लागेल.
अदिती, तुम्ही वाटीच्या तळाला
अदिती, तुम्ही वाटीच्या तळाला तूप लावून त्यानं पसरवता का? भरभर आणि एकसारखं पसरतं.
हो, तसेच केले पण नाही आले
हो, तसेच केले पण नाही आले भरभर पसरवायला. वाटीच्या बुडाला चिकटायला लागले. नंतर ताटातून ती निघेना. थोडे गरम केले, थोडे सुरीने उचकटून काढले. पातळ पसरणे जमले पाहिजे, काढणेही थोडे सोपे होईल.
थोडी जाड झाली चिक्की पण तरीही एकदम खुसखुशीत छान झाली.
Pages