"रईस"च्या निमित्ताने - अमिताभ बच्चन आणि शाहरूख खान !

कालच रईस चित्रपटाचा ट्रेलर रिलीज झाला,
आणि किती तरी वर्षांनी दिवार, अग्नीपथ, त्रिशूल, डॉन, वगैरे वगैरे अ‍ॅंग्री यंग मॅन अमिताभपटातील कचकचीत डायलॉगच्या जवळपास जाणारे काहीतरी सापडले.
ईथे चेक करा - ऐकल्याशिवाय मजा नाही
https://www.youtube.com/watch?v=J7_1MU3gDk0

..

"अम्मीजान कहती थी, कोई धंदा छोटा नही होता., और धंदे से बडा कोई धर्म नही होता.
अब यही मेरा कलमा है. और यही मेरा मजहब !!"

..

"अम्मी जान ने कहा था
कभी किसी का दिल मत तोडना,
ईसलिये दिल को छोडकर..
सब कुछ तोड डाला "

..

नवाझुद्दीन - जिसको तू धंदा बोलता है ना, क्राईम है वो. धंदा बंद कर ले, वरना सांस लेना मुश्कील कर दूंगा..
शाहरूख - गुजरात की हवा मे व्यापार है साहेब. मेरी सांस तो रोक लोगे, लेकीन ईस हवा को कैसे रोकोगे !

(ईथे अमिताभचा अग्नीपथ आठवला - हवा तेज चलता है दिनकर राव.. टोपी संभालो, उड जायेगा - https://www.youtube.com/watch?v=eD0e5imsX10 )

..

"जो धंदे के लिये सही, वो सही.. जो धंदे के लिये गलत, वो गलत.. इससे ज्यादा कभी सोचा नही."

..

अतुल कुलकर्णी - ज्यादा उंचा मत उड.. कट जायेगा.
शाहरूख - अगर कटनेका डर होता ना, तो पतंग नही चढाता... फिरकी पकडता.

..

नवाझुद्दीन - एक दिन नाक मे नकेल डालके खीचके लेके जाऊंगा मै तुझे यहासे..
शाहरूख - सबूत ले आईये..... ले जाईये..... रईस हाजिर है !

..

"बंदूक की गोली और मियांभाई की बोली
जब चलती है ना,
दुश्मन डरता बाद मे है
मरता पहले है .."

,,

"बनियेका दिमाग और मियाभाईकी डेअरींग .. !!!"

..

"आ रहा हू ..."
शेवटच्या दृश्यातील शाहरूखचा डोळा बघण्यासारखा! - पुन्हा एकदा अमिताभचा सरकार ! आठवला

-_-_---_-_---_-_---_-_---_-_---_-_---_-_---_-_---_-_---_-_---_-_---_-_---_-_---_-_---_-_---_-_---_-_---_-_--

तर दोन काळातील सुपर्रस्टार्सची तुलना करणे या फिल्म ईंडस्ट्रीला नवीन नाही. अमिताभने ज्याला धक्का दिला त्या राजेश खन्नाशी त्याची तुलना व्हायची. ट्रॅजेडी किंग दिलीपकुमारची आणि अमिताभची तुलना व्हायची. पुढे जाऊन शाहरूख खान आणि दिलीप कुमार यांच्यात साम्य शोधत त्यांचीही तुलना झालेली आपण पाहिले आहे. पण या सर्व तुलनेत सर्वाधिक हिटस मिळालेली चर्चा म्हणजे अमिताभ बच्चन विरुद्ध शाहरूख खान!

आणि त्याला कारणही तसेच आहे .........

अमिताभनंतर अचानक सुपर्रस्टारपदाची जागा रिकामी झाली. अमिताभची स्वत:ची सेकंड इनिंग सुरू व्हायची होती. पन्नाशीच्या जवळ आलेला अमिताभ सुपर्रस्टार म्हणवणे तर दूर, पण एक फ्लॉप नट म्हणून ओळखला जाऊ लागला होता. तसेच त्यानेच उंचीवर नेऊन ठेवलेले सुपर्रस्टार पद मिळवायला अनिल कपूर, संजय दत्त वा जॅकी श्रॉफ, सनी देओलसारखे त्यावेळचे नट समर्थ नव्हते. याचवेळी बॉलीवूडच्या क्षितिजावर आमीर, शाहरूख आणि सलमान नावाचे तीन खान उगवले. तरुणाईच्या बदलत्या अपेक्षा पुर्ण करण्यात यशस्वी ठरल्याने बघता बघता सर्वांना मागे सारून पुढे गेले. त्यातही त्या पिढीची रोमॅंटीक चित्रपटांची आवड ओळखून तिथे आपली छाप पाडणारा शाहरूख खान सुपर्रस्टार म्हणून ओळखला जाऊ लागला.

‘कुछकुछ होता है’ आणि ‘हम तुम्हारे है सनम’ सारख्या चित्रपटांतून शाहरूखच्या सहाय्यक अभिनेत्याची भुमिका करणारा सलमान खान तेव्हा शाहरूखच्या स्पर्धेतही नव्हता. तसेच उत्तमोत्तम चित्रपट देणार्‍या आमीर खानने शाहरूखला टक्कर न देता आपले वेगळे स्थान बनवणे पसंत केले. परिणामी शाहरूखचे सुपर्रस्टारपद काही काळासाठी अबाधित होते. आणि जोपर्यंत त्याचा रोमॅंटीक चित्रपटांचा पत्ता चालणार होता तोपर्यंत त्याला धोकाही नव्हता. पण तेव्हा त्यालाही कल्पना नसेल की अमिताभच आपली सेकंड इनिंग सुरू करत स्वत:च पुन्हा या स्पर्धेत उभा राहणार आहे.

शाहरूख विरुद्ध अमिताभ - सर्वात मोठा सुपर्रस्टार कोण!

पहिल्यांदाच ही चर्चा दोन वेगळ्या पिढीतील कलाकारांची एकाच काळात काम करताना होत होती. गंमत म्हणजे दोघेही आपापल्या जागी सुपर्रस्टार म्हणून ओळखले जात असल्याने याचा फायदा दोघांच्याही लोकप्रियतेला होत होता. जोहार आणि चोप्रा मंडळींनी ती पुरेपूर कॅश देखील केली. यांच्या कैक चित्रपटात हे दोघे आमोरेसामोरे आले. आधी मोहोब्बते मध्ये यांची टक्कर झाली. जिथे दोघांनाही साजेसे रोल दिले गेले होते. अमिताभला परंपरा प्रतिष्ठा अनुशासन सारखे कडक शब्द असलेले डायलॉग दिले गेले होते. पण शाहरूखसाठी ती भुमिका म्हणजे घरचे मैदान असल्याने तो सरस ठरला होता. पुढे कभी खुशी कभी गम हा चित्रपट करण जोहारने शाहरूखलाच डोळ्यासमोर ठेवून बनवला असल्याने तो त्यानेच एकहाती खाल्ला होता. वीरझारा मध्ये कुठेही या दोघांची जुगलबंदी दाखवायचा अट्टाहास नव्हता, तर कभी अलविदा ना कहना मध्ये दोघांचे एकत्र कितपत शॉट होते हे देखील आठवत नाहीये. तो पिक्चर फ्लॉप जाण्याचे हे देखील एक कारण होते. याऊपर शाहरूखच्या पहेलीत अमिताभ पाहुणा कलाकार होता, तर अमिताभच्या भूतनाथमध्ये शाहरूखची छोटीशी भुमिका होती. एकंदरीत मोहोब्बतेचा काही प्रमाणात अपवाद वगळता हे दोन्ही महानायक खर्‍या अर्थाने एकमेकांना भिडलेच नाहीत, जसे शक्तीमध्ये दिलीप कुमार आणि अमिताभ यांची टक्कर झाली होती.

शाहरूखने मात्र हात दाखवून अवलक्षण की काय म्हणतात तसा प्रकार करायचा नेहमीच प्रयत्न केला. आधी अमिताभने गाजवलेल्या कौन बनेगा करोडपतीचे शिवधनुष्य पेलायच्या निमित्ताने, तर नंतर डॉन चित्रपटाच्या रिमेकमध्ये.
मला मात्र एक शाहरूख फॅन म्हणून त्याच्या या धाडसाचे नेहमीच कौतुक वाटले. अमिताभने "डीडीएलजे" किंवा "दिल तो पागल है" हे चित्रपट केलेत असे डोळ्यासमोर आणले तर मला नक्की काय म्हणायचेय हे समजेल. ज्या चित्रपटांनी अमिताभ घडवला तिथे हात टाकणे म्हणजे आत्महत्या करणे असे असूनही त्याने बरेपैकी यश मिळवले. तुलनेत दिलीपकुमारचा देवदास करण्यात कमी रिस्क होती कारण त्या चित्रपटाची शैली त्याला साजेशी होती आणि त्याने त्या भुमिकेची लाजही राखली.

एक किंग ऑफ रोमान्स आहे, तर दुसरा अ‍ॅक्शन का बेताज बादशाह !
या दोघांची तुलना करता जे निकष लावाल त्यानुसार तुम्हाला एकाचे पारडे वर तर एकाचे खाली दिसेल.
प्रत्यक्षात दोघांचे जगभरात चिक्कार फॅन्स आहेत. दोघांनी आजवर कित्येक अ‍ॅवार्ड्स मिळवलेत.
दोघे पडद्यावर असतात तेव्हा पडदा व्यापून उरतात. दोघे स्टेजवर असतात तेव्हा तो काबीज करतात.
एकाने सेकंड इनिंग आपल्या अदाकारीच्या ताकदीने यशस्वी करून दाखवली आहे,
तर दुसर्‍याने आज रईस मधून त्याची झलक दिली आहे !
मी या दोघांचा फॅन आहे, मी या दोघांचा ऋणी आहे

- ऋन्मेष

तळटीप -
१) सदर लेखातील मते ही माझी लहानपणापासूनची वैयक्तिक मते आहेत आणि ती कुठल्याही परीस्थितीत बदलली जाणार नाहीत.
२) लेख ईतरत्र शेअर करायचे झाल्यास लेखकाच्या परवानगीची गरज नाही, मात्र माझ्या नावासह शेअर करावा ही विनंती.
धन्यवाद ....