पाककृती हवी आहे. माहिती आहे का? -४

Submitted by संपदा on 12 October, 2015 - 03:41

पाककृती हवी आहे. माहिती आहे का? -१
पाककृती हवी आहे. माहिती आहे का? -२
पाककृती हवी आहे. माहिती आहे का? -३

इथे फक्त पाककृतींबद्द्ल प्रश्न विचारणे अपेक्षित आहे. नवीन पाककृती इथे लिहू नयेत. त्या लिहिण्यासाठी "नवीन पाककृती" हा लेखनाचा धागा वापरावा. असे केल्याने पाककृतींचे योग्य वर्गीकरण होईल, सगळी माहिती एका ठिकाणी संकलित होईल व भविष्यात ती पाककृती शोधणार्‍यास सोपे पडेल.

विषय: 
Group content visibility: 
Public - accessible to all site users

किसलेली गाजरे + फेटलेले दही + थोडी मोहरी पूड + मीठ + किंचित साखर (आवडत असल्यास) + जिरेपूड (चव आवडत असल्यास) आणि वरून कोथिंबीर अशी कोशिंबीरही भ न्ना ट लागते. मोहरी पूड लाल मोहरीची असावी शक्यतो.

ज्वारीच्या रव्याचा उपमा मी प्रेशरपॅनला करते. १ वाटी रव्याला ४ वाटी पाणी लागते कुकरात.

नुसता करायचा झाला तर ६ वाट्या असे मैत्रिणीने प्रमाण सांगितले आहे.

बार्ली किंवा कुठल्याही दलियाचे उपम्याप्रमाणे प्रकरण करते मी. फोडणी व इतर चववाल्या वस्तू आयत्यावेळेला जे प्रयोग सुचतील तश्या पण कोरडे भाजून घेणे, फोडणीत कांदा परतून मग आधणाचे पाणी आणि नंतर भाजलेला रवा शिजवून घेणे ही कृती बदलत नाही.

दलिया वगैरे नुसते करायला जायचा माझ्यात पेशन्सच नाही त्यामुळे अर्थातच प्रेशरपॅन झिंदाबाद.

डाळ तांदूळ खिचडीला ज्या प्रमाणात पाणी घालायचे त्याच्या किमान दीडपट तरी पाणी दलियाला घालते मी.

नटसमधे तीळ येत नसले तर थोडे तीळ भाजून, भरड करून घे मिक्सरातून. आणि दाण्याच्या कुटाऐवजी वापर.

किंवा मग जवस, भोपळा, सूर्यफूल यापैकी कश्याच्याही बिया असल्या तर त्या भाजून मिक्सरातून भरड काढून दा कु ऐवजी.
पण या बियांना नटसमधे मोजतात का नाही हा आता मला प्रश्न पडलाय(मोजत नसावेत असं वाटतंय खरं!). ती खात्री करून घे.

नाचणी लाडू...
४ वाट्या नाचणी पीठ.
२ वाट्या कणिक किवा तांदुळ पीठ.
५ वाट्या पीठी साखर.
अर्धी वाटी तुप.
कढईत तुप घालुन त्यात दोन्ही पीठं घालून चांगलं भाजुन घ्या.
भाजलेले पीठ चांगले गार होउ दया.
मग त्यात साखर मिसळा. साखर चवी प्रमाणे कमी जास्त करा.
वेलची पावडर सुकमेवा टाका न लाडू वळा....

धन्यवाद रश्मी मंजूडी. रश्मी मी निशा मधुलिका च्या रेसिपी मध्ये जरा व्हेरिअशन करून नवीन प्रकार केला.
मंजूडी मी उशिरा पाहिला प्रतिसाद. पण हि रेसिपी भारीये. ठाण्यात आल्यावर आता दाबेली मसाला घ्यालच हवा! जांभळी नाका म्हणजे तलावपाळीजवळचा न का तो टेंभी? माझा नेहमीचा घोळ आहे,

घरात मालवणी वड्याचं पीठ आहे १ किलो, वडे सोडुन दुसरं काय करता येईल? धिरडी होतील का? किंवा आदल्या दिवशी पीठ भिजवुन दुसर्‍या दिवशी आंबोळ्या. असं काही केल तर चांगल लागेल का? अजुन काय करता येईल?

मला आवळा सुपारी कशी करायची कोणी सांगेल का प्लिज.
माझ्या कडे अडिच किलो आवळे आहेत मध्यम व छोट्या आकाराचे त्याचे काय करावे?
मोराआवळा व कॅडी नको आहे दुसरे टीकावु काय करता येईल?

मुग्धा धिरडी होतील. वेगवेगळ्या भाज्या, कांदा घालून थालीपीठ पण होईल. ते टिकेल ना. अगदी लवकर संपवायची गरज आहे का. धिरडी चांगली लागतात. तासभर भिजवून करायचे मी पूर्वी. हल्ली नाहीच पीठ करत ते. पाव किलो विकत आणते कधीतरी, नवऱ्याला वडे आवडतात म्हणून.

सकुरा,

मोठे आवळे आहेत ना ? ते किसायचे, त्यासोबत थोडे आले आणि मिळाल्यास ओली हळदही किसायची. मग त्यात मीठ, जिरे पुड व थोडा हिंग घालून तो किस पसरून वाळवायचा. झाली आवळा सुपारी. शक्य असल्यास यात काळे मीठ ( संधव ) पिंपळी पूडही घालायची. सर्व प्रमाण चवीनुसार.

दिविजा,

स्वीट कॉर्न सूप / मिक्स व्हेज सूप
सिमला मिरची पीठ पेरून / घोसाळी पीठ पेरून / भेंडी परतून / तोंडली काचऱ्या परतून भाजी
मटकीची जिरे खोबरे मिरची वाटण लावून उसळ किंवा अख्ख्या मसुराची संजीव कपूर कृतीने उसळ
वांग्याचे बेसन लावून काप किंवा नुसते काप
पापड, पापड्या, कुरडया
काकडीची कोशिंबीर / गाजर टोमॅटो कोशिंबीर / किसलेल्या कोबीची दाणे कूट मीठ साखर लिंबूरस व फोडणी घालून पचडी
बुंदी रायता
शेवयांची खीर / दुधी हलवा / गुजा
पोळी / पुरी
मसालेभात / पुलाव / बिशीबेळी भात
मुखवास (विडा वगैरे)

दिनेश,
माझ्याकडे अद्र्क भरपुर आहे ओली हळद थोडी आणायला लागेल ती आरामात मिळुन जाईल.
पाककृती बद्दल धन्यवाद.

मंजुडी, तुला पण धन्यवाद.

भोपळी मिरच्यांची पीठ पेरुन भाजी, सांडगी मिरच्यांची फोडणी घालून पालक - मुगाचं वरण, फ्लावर वटाणा गाजर सुकी भाजी , काकडीची कोशींबिर , पोळ्या, गोड काही तुमच्या आवडीचं .

इडली सांबार ( फ्लावर, गाजर, वांगी , शेवगा ) वडा सांबार, अप्पे, - दोन प्रकारच्या च्टण्या, टॅमरिंड राइस/ लेमन राइस / दही भात

तुमच्या प्रोफाइलमधे टेक्सास लिहिलंय. मस्त पैकी टाको बार करा ना Happy

कॉर्न टॉर्तिया , थोड्या तेलावर परतलेले भोपळी मिरच्यांचे तुकडे, ग्रीन बीन्स, अस्पॅरॅगस, चालत असल्यास मश्रूम्स, रीफ्राईड बीन्स, श्रेडेड लेट्यूस, किसलेले केसो फ्रेस्को. ज्याला हवे तसे बनवून खाता येईल.

कोथींबीर, लिंबू , मिरची , अव्होकाडो मॅश करुन( पूअर मॅन्स ) ग्वाक पण करता येईल .

जेवायला येणारे पाहुणे बटाटा, कांदा, आल, लसुन न खाणारे आहेत>>> आमच्याकडचा बहुतांश स्वयंपाक याच मेनूमध्ये बसतो. Happy

भेंडीचं पंचामृत, भिजवलेल्या मुगाची पचडी, पीठ पेरून केलेल्या कुठल्याही भाज्या, नैवेद्याचा फ्ळॉवर मटार रस्सा किंवा पालक पनीर, मेथी मलई मटर, जीरा राईस दाल तडका (दाल पाच डाळींची मिळून केली तर छान होते), टोमॅटो राईस, पालक राईस, छोले राईस, पोळी-पुरी, गोडामध्ये जे आवडेल तस>

कणकेच्या केक ची हामखास पाक्रु कोणाला माहिती असल्यास प्लिज.
मी केलेला आधी मस्त फुगतो, पण नंतर मात्र पुन्हा बसतो. Uhoh

कणकेच्या केक ची हामखास पाक्रु कोणाला माहिती असल्यास प्लिज.
मी केलेला आधी मस्त फुगतो, पण नंतर मात्र पुन्हा बसतो. Uhoh

Pages