४) Autism - निदानानंतर..

Submitted by Mother Warrior on 8 February, 2014 - 23:26

याआधीचे लेख :
Autism.. स्वमग्नता..
ऑटीझम(Autism) झालेल्या मुलांशी कसं वागावं/बोलावं/ वागू-बोलू नये?
Autism - लक्षणे व Evaluation

Developmental Pediatrician तुम्हाला तुमच्या गोड बाळाच्या थोड्या वेगळ्या वागण्याचे निदान 'स्वमग्नता' असे करतो तो नक्कीच पालकांच्या आयुष्यातील सोप्पा क्षण नसतो. पण हे सुद्धा खरे आहे कि बर्याचदा त्या वेळेस पालकांना काहीएक कल्पना नसते आपले पुढचे आयुष्य कसे असणार आहे?
Autism - सर्वसाधारणपणे डोक्यात येते, मेंदूतील बिघाड. साहजिक घाबरायला होते. पण हे मतीमंदत्व नव्हे हे प्रथम ध्यानात घेतले पाहिजे. काही गोष्टी आपल्या मुलाला समाजात नाहीत, किंवा समजूनही वागणुकीत तसे बदल करणे त्याला अवघड जाते, व पालकांना त्यासाठी प्रचंड पेशंस अंगात भिनवला पाहिजे, हे मात्र खरे.

Autism चे 'निदान' झाल्यावर बर्याच पालकांची भावना काही अर्थाने सुटकेचा निश्वास अशी असू शकते. त्यात काहीही चुकीचे नाही. आत्तापर्यंत केवळ सिक्स्थ सेन्सला कळत असते काहीतरी चुकते आहे - त्याला सगळ्या बिझारे वागणुकीला एक नाव मिळते.(पालकांना कळत हे असतेच. फक्त ते उघडपणे मान्य करायला जड जाते. मलाही त्याच्या १.५ ते २ वर्षाच्या दरम्यान शंकेची पाल चुकचुकायचीच. पण कोण आपल्या मुलाबद्दल वाईट चिंतेल?)  जेव्हा त्याला नाव मिळते तेव्हा तो प्रॉब्लेम सोडवण्यासाठीचे उपाय शोधता येतात. व हा असा का वागतो, किंवा आपल्याला मुल वाढवणे जमत नाही का? मुल जन्माला घातले हे चुकले का इत्यादी अनुत्तरीत प्रश्न स्वत:लाच विचारून त्रास करून घेणे खरंच बंद होऊ शकते.

पण असे जरी असले तरी दु:ख करणे थोडीच बंद होते? धक्का बसणार नाही असे थोडीच असते? पालकांनी Grief हा महत्वाचा भाग विसरून चालणार नाही. दु:ख करायला वेळ द्या. आपल्या जोडीदाराला धीर द्या. स्पेशली जो आपल्या इमोशन्स जास्त उघडपणे बोलत नाही, कसेही करून त्याला मोकळे होउद्या. मित्र-मंडळींशी संपर्कात राहा. बाळाच्या आजीआजोबांशी बोलून त्यांना हि सगळी disorder समजावून सांगा. सगळी family जितक्या लवकर सेम पेजवर येईल तितका त्या बाळाला फायदा होईल.

Autism Speaks या सपोर्ट ग्रुप/ वेबसाईटवर हि टूल कीट मिळते. ती वाचा.
नाव: First 100 Days Kit  : http://www.autismspeaks.org/docs/family_services_docs/100_day_kit.pdf

या Tool kit मधील एक गोष्ट मला खूप पटली आहे. Stages associated with grief. स्वानुभावानुसार या सगळ्या स्टेजेस मधून पालक जातात. मला वाटते इथे मी ते मराठीत रुपांतर करून द्यावे.

autism चे निदान झाल्यावर पालक खालील प्रकारच्या भावनिक आंदोलनातून जातात.

  1. धक्का 
  2. दु:ख 
  3. (परिस्थितीबद्दलचा) राग
  4. Denial ( मला मराठी शब्द नाही सुचत )
  5. एकटेपणा
  6. Acceptance

पण एक गोष्ट कायमच लक्षात ठेवायची. आपण एक Adult आहोत, जो सर्व इमोशन्स, भाव-भावना यांचे management करायचे म्हटले तर करू शकतो. पण Autism झालेल्या मुलाकडे बर्याचदा ती कुवत उपजत नसते. त्यामुळे प्रत्येक स्टेजला आपल्या डोक्यातील स्ट्रेस, अडचणी, व इतर गोष्टीम्पेक्षा मुलाचा विचार प्रथम करावा. (हे ओब्व्हीयास वाटते वाक्य. पण नाही, स्ट्रेसफुल असताना डोके नीट चालत नाही, त्यासाठी कायम स्वयंसुचनाच दिल्या पाहिजेत.)

Developmental Pediatrician निदानाच्या वेळेस सांगेलच पुढील माहिती. [ माझी माहिती यूएसए मधील आहे. त्यातही प्रत्येक स्टेट व शहराच्या नुसार काही गोष्टी बदलतील बहुतेक]

Autism झालेल्या मुलास देण्यात येण्यार्या महत्वाच्या Treatments म्हणजे  Speech Therapy, Occupational Therapy, Applied behavior therapy व कधी कधी physical therapy.
या सर्व थेरपीज देणार्या एजंन्सीशी(जी तुमच्या इन्शुरंसने सांगितली आहे) संपर्क साधून लवकरात लवकर सर्व गोष्टी चालू कराव्यात.
शक्यता आहे कि त्या एजन्सीकडून देखील तुमच्या मुलाचे एक Autismसाठी  इव्ह्ल्युएशन होईल. [याला तयार राहा. सतत जिकडे तिकडे इव्ह्ल्युएशन्स, तेच तेच मानसिकरीत्या थकवणारे प्रश्न]
स्पीच व ओटी मिळायला तशी अडचण येत नाही. पण आमच्या अनुभवानुसार बिहेविअर थेरपीज चालू होण्यास तसा वेळ लागला.

जर तुमचा इन्शुरंस काही कारणाने autism कव्हर करत नसेल (ते कारण देतात ही प्रीएक्झिस्टींग कंडीशन आहे. पण बहुधा ओबामाकेअरमुळे आता इन्शुरंस कंपन्या तसे करू शकत नाही असे काहीसे मध्यंतरी मी वाचले. चुभूद्याघ्या.)
परंतु काही कारणाने सर्व्हिसेस मिळत नसतील , किंवा मी म्हणेन काही झाले तरी तुमच्या भागातील रिजनल सेंटर्सना संपर्क साधून त्यांची इन्टेक प्रोसिजर चालू करा. त्यांच्याकडे बरीच हेल्प मिळते. वेगवेगले परंतु एकाच बोटीत असलेले पालक भेटतात. मुलांसाठी आर्ट/म्युझिक क्लास असतो. इकडेही रिजनल सेंटर्स त्यांच्याकडून इव्ह्ल्युएशन करून घेतात. (ओटी, क्लिनिकल सायकोलॉजीस्ट, तेच सर्व लोकं.)  रिजनल सेंटर्सचा हा अर्ली इंटरव्हेंशन (IFSP - individualized family service plan)  प्रोग्रेम मुलं ३ वर्षाची असेस्तोवरच असतो. त्यानंतर तो त्यात्या भागातील स्कूल District कडे जातो. तिथे या मुलांसाठी IEP म्हणजे Individualized Education Plan असतो. त्याबद्दल मी नंतर लिहीन.

आणि मग यानंतर चालू होते घोडदौड. आठवड्यातून दोनदा स्पीच एका ठिकाणी, आठवड्यातून दोनदा ओटी दुसर्या ठिकाणी. आठवड्यातून ३०-३५ तास बिहेविअर थेरपी - घरी. त्यात पालकांचेही ट्रेनिंग असल्याने आपल्याच घरात असूनही शांत बसताही येत नाही. त्यामुळे वेळेचे नियोजन आले. Planning ahead ची सवय करून घेणे आले. सगळ्यात महत्वाचे कोणीतरी दुसर्याच लोकांकडून आपल्या मुलाशी संवाद कसा साधायचा हे शिकून घेणे. आजीबात इगो न ठेवता सर्व जमेल तसे शिकून घ्यायचे.
या सगळ्या कष्ट घेण्याचे फळ  ३-4-५-६ महिने किंवा अजूनही काही काळाने दिसू लागतात.. साध्याश्या गोष्टी .. पण ३-३.५ वर्षाच्या बाळाने point करून एखादी गोष्ट दाखवली, 'mamma' म्हणण्यासाठी म उच्चारला, एखादे पझल व्यवस्थित सोडवून दाखवले की कळते बाळाच्या डेव्हलपमेंटमधील किती छोट्या छोट्या गोष्टी आपण मिस केल्या असत्या किंवा मी म्हणीन गृहीत धरल्या असत्या. पण या सगळ्या प्रोसेसने छोट्या गोष्टींत आनंद मिळू लागतो. उगाच नसते रुसवे फुगवे यातेल फोलपणा कळू लागतो. Let go या अवघड मंत्राला अगदी आरामात आचरणात आणता येते.

Autism घरात आला कि आयुष्य कसं जगायचे व Appreciate करायचे ते शिकवून जातो!   

- स्वमग्नता एकलकोंडेकर

Group content visibility: 
Public - accessible to all site users

Great!

Autism घरात आला कि आयुष्य कसं जगायचे व Appreciate करायचे ते शिकवून जातो! >>>मान गये उस्ताद ...काय वाक्य लिहिले आहे ...शब्दच नाहीत तुमच कौतुक करायला.पुन्हा परमेश्वराकडे एकच मागणे कि तुम्हाला शक्ती मिळो. पुढील संपूर्ण वाटचालीसाठी तुम्हा सगळ्यांना मनपुर्वक शुभेच्छा Happy

वरच्या सगळ्याच प्रतिसादांना प्रचंड अनुमोदन. आम्हा प्रतयेकातली शक्ती तुला मिळो... तुझ्यातला लेशतरी पेशन्स माझ्यात येवो.
(तुझ्या खाशा पिल्लाला 'हाय' ! )

स्वमग्नता, खरंच तू किती अभ्यासपुर्ण, सकारात्मक सुंदर रीतीने मांडतेस हे सर्व, तुझ्यातल्या आईला माझ्याकडून सलाम.

Autism घरात आला कि आयुष्य कसं जगायचे व Appreciate करायचे ते शिकवून जातो! >>+१
काहीतरी भंयकर घडले (आपल्या कंट्रोलबाहेर) तर दररोजचे साधे साधे प्रॉब्लेम्स एकदम उगाच घेतल्या सारखे वाटतात.. खरचं आपण आयुष्य जगत नसतो... फक्त रॅटरेसमध्ये धावत असतो..

Autism घरात आला कि आयुष्य कसं जगायचे व Appreciate करायचे ते शिकवून जातो! >> अगदी भिडलं.
तुमचं खरंच खूप कौतुक वाटतं. मला संपर्कातून कधीही मेल करा. मी हवी ती मदत करेन.
मी गेले पाच वर्ष हे अनुभवते आहे. ह्या मुलांबरोबर काम करताना पदोपदी जाणवतं केवढा स्ट्रगल आहे त्यांच्या साठी रोजच्या आयुष्यात. माझी पूर्ण फिलॉसॉफी बदललीय आयुष्याबाबत.
ऑटीझम मधे लेव्हल्स असतात. स्टिमींग हे सिव्हिअर लेव्हल मधे आढळते. त्यासाठी स्ट्रेस बॉल हा चांगला
उपाय आहे.
अमेरिकेत स्पीच थेरपी स्कूलमधेही असते. सोशल बिहेव्हिअर ट्रेनिंग फार महत्वाचे असते. माझी आत्ताची एक
स्टुडंट Asperger's Syndrome असे निदान झालेली आहे. गेले तीन वर्ष मी ह्या स्टुडंट बरोबर बिहेव्हिअर थेरपीचं काम कर तेय.आता रिझल्ट्स दिसत आहेत. नुकतीच ही कॅटेगिरी ऑटीझम मधे अ‍ॅड केली गेलीय. याआधी त्याचे वेगळे ( सेपरेट) निदान/ कॅटेगरी होते. ही मुले अतिशय हुशार असतात. स्पेशली मॅथ , सायन्स मधे. पण रिडिंग , रायटिंग मधे त्यांना फार त्रास होतो. कारण विचार विस्कळित असतात. ह्यावर न कंटाळता आणि फ्रस्ट्रेट होता काम करवून घेणे आणि काम करणे फार कौशल्याचे काम आहे. ही मुले पटकन शट डाउन होतात.सोशल बिहेव्हिअर ट्रेनींग हेही कौशल्याचे आणि पेशन्सचे काम आहे. ह्या मुलांशी रिलेशन डेव्हलप करता आली पाहिजे. त्यांचे फ्रस्ट्रेशन का होते ह्याची कारण मिमांसा करावी लागते. डेटा घ्यावा लागतो. cause and effect relationship थोडक्यात.
सोशल ट्रेनिंग बाबत वेळ मिळाला की लिहिते. मला कामाव्यतिरिक्त भरपूर डॉक्युमेंटेशन करावे लागते. जेणे करुन पुढे ह्याचा उपयोग जे कोणी त्या त्या मुलांबरोबर काम करतात त्यांना होतो. ह्याशिवाय मी शनिवारी
आणि रविवारी ज्या कोणी संपर्क केला आहे त्यांना फोनवर मार्गदर्शन करण्याचा प्रयत्न करते.त्यामुळे वेळ
मिळाला की पुढची माहिती लिहिते.

>>माझी आत्ताची एक स्टुडंट अ‍ॅस्परेगस असे निदान झालेली आहे
हे नव्हतं ऐकलं कधी. Asperger syndrome विषयी वाचलं आहे.

The Reason I Jump: The Inner Voice of a Thirteen-Year-Old Boy with Autism अप्रतिम पुस्तक!

तुमचे सगळेच लेख वाचते आहे! खूप सुरेख लिहित आहात. भावनातिरेक न करता पण तुमची तळमळ, व्यथा थेट पोचलं, भिडलं!

प्रतिसाद द्यायला शब्द नाहीत. पण तुमच्या लढ्यासाठी आणि सुखी कौटुम्बिक जीवनासाठी कायमच सदिच्छा आहेत/रहातील.

गौरी.. तुमच्या प्रतिसादासाठी खूप आभार!
मला तुम्हा लोकांबद्दल खूप आदर वाटतो. भयंकर पेशंसचे काम आहे हो!
मुलाच्या बिहेविअर थेरपिस्टबरोबर काम करणे किंवा त्यांचे काम नुसते बघितल्याने थकायला होते मला. २-३ तासाच्या सलग सेशनमध्ये एकदाही ब्रेक न घेता मुलाच्या कलाने, त्याला शिकवत राहणे, तो केस ओढेल चावेल त्यावर अजिबात react न करता छोट्या छोट्या गोष्टी शिकवणे.आणि Documentation? किती व्यवस्थित, डिटेलमध्ये जाऊन. सगळंच कौतुकास्पद आहे.

तुम्ही प्लीज लिहित राहा.

मृण्मयी, हो ते पुस्तक चांगले आहे असे ऐकले आहे. यावेळेस आणले आहे लायब्ररीतून.

स्वमग्नता , खूप खूप छान लिहीलं आहे.
सर्व खास मुलांना तूमच्यासारखे उत्तम पालक लाभावेत.>+१
स्वमग्नता, खरंच तू किती अभ्यासपुर्ण, सकारात्मक सुंदर रीतीने मांडतेस हे सर्व, तुझ्यातल्या आईला माझ्याकडून सलाम. >+१

सगळ्यात महत्वाचे कोणीतरी दुसर्याच लोकांकडून आपल्या मुलाशी संवाद कसा साधायचा हे शिकून घेणे. आजीबात इगो न ठेवता सर्व जमेल तसे शिकून घ्यायचे.>> हे वाचून मी सांगू शकत नाही मला काय वाटलं ते. आपण किती गोष्टी गृहित धरलेल्या असतात हे अगदी प्रकर्षाने जाणवले.

भारतात जर कोणी याचा सामना करत असेल, तर हे जाणून घ्यायचे आहे, की इथे इतक्या लगेच इव्हॅल्यूएशन, थेरपीज वगैरेची सोय आहे का?

स्व, वाचताना कित्येकदा डोळे ओलावतात! तुमचे लेख नुसतेच वाचक म्हणुन कोरडेपणाने वाचले जात नाहियेत, वाचताना नकळत एकिकडे स्वतःचं मूल्यमापनही होतंय आता माझ्याकडून. आम्ही सगळ्याच पालकांनी यातल्या कित्येक गोष्टी तुमच्याकडून घेण्यासारख्या आहेत.

अभार सर्वांचे!

पौर्णिमा, आम्ही काही काळ भारतात होतो तेव्हाचा अनुभव असा सांगतो की स्पीच व ओटी आजकाल मोठ्या शहरांतून मिळते. बिहेविअर थेरपी आपल्याकडे फारशी वापरली जात नाही. मी इंटरनेटवर शोध घेतला तेव्हा बंगलोर, चेन्नई, मुंबई अशा ठिकाणीच बिहेविअर थेरपीचे १-२ सेंटर्स दिसली.

इव्हॅल्युएशनची किती डिटेलमध्ये प्रोसिजर आहे माहीत नाही. आम्ही मुलगा बोलत नाही त्यामुळे भारतातील मुक्कामात स्पीच थेरपिस्टला भेटलो होतो. त्यांच्याच रेकमंडेशनवरून ओटी - सेन्सरी इंटेग्रेशन थेरपी चालू केली होति. त्यामुळे मला वाटते अमुक असा प्रोटोकॉल आपल्याकडे फॉलो केला नाही जात. त्यामुळे अमेरिकेती बाबी मी जितक्या ठामपणे सांगू शकते की हे असंच फॉलो होईल, नाही झाल्यास इकडे जा - हे करा, असे मला भारताबद्दल नाही सांगता येणार. तसेच मला तितका मोठा अनुभवही नाही हे झालंच.

अन्जू सांगू शकतील इव्हॅल्युएशन प्रोसिजर कशी असते याबद्दल.

वरदा. +१
<<तुम्ही तुमचा आयडी वॉरीअर मॉम ठेवायला हवा. हीच उपमा तुमच्यासाठी अगदी योग्य आहे.>>+१११११११

Pages