मायबोलीकरांचे आणि मायबोलीवर प्रथमच - सायकल राईड गटग!

Submitted by केदार on 3 February, 2014 - 00:12
ठिकाण/पत्ता: 
राजारामपुला जवळ (कोथरुड एंडला) नाहीतर पुल पार करून शोधाल.

मागच्या काही गटग मध्ये सायकल चालविणार्‍यांची चर्चा झाली होती की सगळे मायबोलीकर ( सायकल चालविण्यास उत्सूक असणारे आणि नेहमी चालविणारे) मिळून एक किमान ४०-५० किमीची राईड करूयात.

माझे परागशी नुकतेच बोलणे झाले, तो तयार आहे, हर्पेन मागच्या गटग मध्ये नेहमीच रेडी असे म्हणाला होता. बाकींनी देखील सायकल घेऊन सहभागी व्हायला हरकत नाही.

सर्वानूमते ठरलेला प्लान.

दिवस : रविवार
ता : ९ फेब.
वेळ : ठिक सकाळी साडेसहा. म्हणजे ६:२९:६० ( जो उशीर करेल त्याला इतरांच्या ब्रेकफास्टचे बिल द्यावे लागेल)

राजाराम पुलापाशी जमायचे, तिथून

राईड १ - पुल ते खडकवासला जाणे येणे अंतर साधारण २० किमी (कमीच)
राईड २ - खड्कवासल्यापासून पुढे जाणारे - सिंहगड आणि परत अंतर ४०-४२ (पुल ते पुल)

ज्यांना केवळ १५-२० किमीसाठी सोबत करायची आहे, त्यांनी पण उत्सुकतेने नाव नोंदवून तयारी करावी. खरतर पहिले १० किमी कधी आले हे तुम्हालाही कळणार नाही.

अजूनही जे द्विधा मनस्थितीत आहेत त्यांच्यासाठी - YES YOU CAN!

विषय: 
प्रांत/गाव: 
तारीख/वेळ: 
शनिवार, February 8, 2014 - 20:00 to 23:58
Groups audience: 
Group content visibility: 
Public - accessible to all site users

केदार, मी राजारामपुलाच्या सिंहगडरोडच्या बाजूला उभा रहाणार आहे.. तिथून सायकल वर मोजून ५ मिनिटांवरच माझे घर आहे..

रोज सारखी सारखी येऊन हा बाफ बघतेय Happy पुर्वी खूप सायकल चालवली आहे त्यामुळे जुन्या आठवणींनाही उजाळा मिळतोय हे ही एक कारण असेल.

इन्ना आता तू सायकल घे एक. आणि पुढच्या राईडला ये.
अश्विनी तू पण सायकल घे आणि चालव. गुड फॉर हेल्थ यु नो Happy

रोज सारखी सारखी येऊन हा बाफ बघतेय पुर्वी खूप सायकल चालवली आहे त्यामुळे जुन्या आठवणींनाही उजाळा मिळतोय हे ही एक कारण असेल.
मी पण. फक्त "पूर्वी खूप" च्या एवजी "खूप खूप पुर्वी " अस म्हणते. काळ लोटला त्याला आता. सर्वाना शुभेच्छा. धमाल करा

लोकहो... उद्या एक पूर्ण चक्कर मारायची का??
राजाराम पूल - खडकवासला - राजाराम पूल... जाताना सिंहगड रोड आणि येताना एनडीए रोड..

केदार सायकल आहे . पळते त्यामुळे स्टॅमिना पण आहे ( भौतेक). वेळ मात्र मार्च्नंतर आहे. तेव्हा नक्की येणार.

सकाळी ६:३० ऐवजी ६:४५ वाजता राजारामपूलावरुन सुरु झालेली फेरी साडेदहा वाजता ठरल्यापेक्षा १६ किमी जास्त अंतर कापून पार पडलेली आहे... (राजाराम पूल ते डोणजे गाव)

केदार, केदार जाधव, जम्बो, कांदापोहे, सई, सहेली, पराग, प्राजक्ता_शिरीन, आशूचॅम्प आणि मी असे दहा जण सायकलिंग करुन आलो.. सकाळी सकाळी स्मितागद्रे आम्हाला शुभेच्छा देण्यासाठी उपस्थित होती..

केदार, पराग आणि आशु सोडल्यास बाकी सगळे पहिल्यांदाच लाँग ड्राइव्हला जाणार होते त्यामुळे उत्सुकता होतीच आणि धाकधूकही होती.. पण एकदा सायकला चालवायला सुरुवात केल्यावर फक्त उत्सुकताच राहिली.. त्यामुळे खडकवासल्याला पोहोचल्यावर अजून पुढे जायचे का? ह्या केदारच्या प्रश्नावर सगळ्यांनीच होकार दिल्याने पुढची मजलही सहज शक्य झाली..

सध्या तरी शरीराचे सगळे अवयव ठिकठाक आहेत.. केदारने दिलेल्या टीप्स मुळे बहुतेक नंतरही काही त्रास होऊ नये..

थंडी असल्यामुळे एकदम मस्त वातावरण होते त्यामुळे फारसा थकवा जाणवला नाही....

लवकरच पुढच्या फेरीची घोषणा होईल असे एकूणच सगळ्यांच्या अनुभवा वरुन वाटते आहे..

ह्यावेळेस उधारीवर आणलेल्या सायकलवर गेलो होतो.. पुढच्या वेळेस बहुतेक स्वतःची सायकल घेऊन जायचा विचार आहे..

ह्या राईडचा एलेवेशन गेन

Ride_2.PNG

पहिलीच राईड असूनही सर्वजण एकदम मनाने तयार होती हे नक्की. ब्राव्हो!

वेळातवेळ काढून, अंगदुखीची पर्वा न करता डोणजे गावाला धडक दिल्याबद्दल सर्व रायडर्स चे अभिनंदन !

सई / हिम्या आता होऊ दे खर्च ! Happy

आता पटापटा तुम्हाला काय वाटले ते लिहा. वृत्तांताची वाट सर्वजण बघत आहेत. Happy

माझ्या राईडचे अजून डिटेल्स येत आहेत. स्टे ट्युन्ड.

Pages