’मी आहे ना सांग?’

Submitted by मुग्धमानसी on 15 May, 2013 - 07:19

’आताच दमू नकोस फार
जायचं आहे लांब’ म्हण
एकदा तरी हात धरून
मला ’थोडं थांब’ म्हण...

माझं गुर्‍हाळ तक्रारिंचं
कुरकुर करु लागलं की
जवळ बसवून मला फक्त
’ऐकतो मी तू सांग’ म्हण...

कधी चिडेन जगावरती
कावून जाईन, त्रासून जाईन
हसून माझी धग सोसून
’जगाच्या नानाची टांग’ म्हण...

कधी माझ्या डोळ्यांमधून
निसटून जाईल काहितरी
तेही पकडून शिताफीनं
’याचा पत्ता सांग’ म्हण...

मी हसताना उधाणलेले
मी रडताना गहिवरलेले
अश्रू माझे टिपून ठेव अन्
’जपून ठेवलंय वाण’ म्हण...

मोठेपण सोसणार नाही
पायांत त्राण उरणार नाही
तेंव्हा कुशीत घेऊन मला
’बाळ माझी छान’ म्हण...

फार काही मागत नाही
माझी तहान भागत नाही
हरलेच कधी मी तर हसून
’मी आहे ना सांग?’ म्हण...

शब्दखुणा: 
Group content visibility: 
Public - accessible to all site users

अ...प्र.....ति...म
मनाला खुप भावली

कधी चिडेन जगावरती
कावून जाईन, त्रासून जाईन
हसून माझी धग सोसून
’जगाच्या नानाची टांग’ म्हण...
>>>.....
सुरेख Happy

प्रामाणिकपणे लिहिलेला कोणताही काव्यप्रकार तेवढाच सुंदर असतो

( तुम्हाला पुन्हा सल्ले मिळतील गझल लिहायचे, म्हणून ही आगावू सूचना Happy )

कसली सुंदर आहे ग कविता!
साधं, सरळ आणि अप्रतिम हे तुझं शैलीविशेष!

कोणत्या कोणत्या ओळी ग्रेट म्हणून कोट करू ते कळत नाहीये.
ही माझ्या लेखणीतुन का नाही उमटली याचा हेवा वाटतोय.
जियो! पुन्हा पुन्हा पुन्हा वाचली. माझ्या अतिशय आवडत्या कवींच्या लिस्टीत तू आहेसच....

खरचंच खुप सुंदर! खुप लिहित रहा.... तुझ्यासाठी नाही पण आमच्यासाठी......
काहीही झालं तरी आयुष्यात कधीच लिखाण थांबवू नकोस...
प्रचंड "श्रीमंत" आहेस तू!

___/\____
हॅट्स ऑफ!

Wwa... Takrar vala kadva faarch bhaavala..
Overall very much liked because of simplicity...

Faar aatun alyasarkhi vatli.. Happy

Pu.le.shu.

Pages