श्रावण गीत

Submitted by पुरंदरे शशांक on 16 August, 2012 - 05:55

श्रावण गीत

अंगाखांद्यावर थेंब..... थेंब अलवार
थेंब श्रावणाचे बाई .....थेंब मऊशार

मस्त माजलेलं बाई ....रान तालेवार
रानफुलं अंगावर ..... किती रंगदार

श्रावणाचं ऊन बाई ..... ऊन हळुवार
जरा चमकता झालं ..... सप्तरंगी पार

चमकती उन्हात या ...... थेंब कळीदार
लक्ष दर्पणांनी बाई .......खुललं शिवार

किलबिल वाढली गं ..... रानातूनी फार
भेटेना साजणी होई ...... पाखरु बेजार

टाळ घुळघुळा वाजे ....... देवळात दूर
कान्हा जल्मता रातीचा ..... नदीला गं येई पूर

श्रावणाचं रुप टाकी ..... जीवा मोहवून
दीठ याची काढा कुणी ..... मीठ ओवाळून

विषय: 
काव्यलेखन
साहित्य
शब्दखुणा: 
श्रावण गीत
Groups audience: 
गुलमोहर - कविता
Group content visibility: 
Public - accessible to all site users
शेअर करा

सर्वांचे मनापासून आभार..........
श्रावणाचे कवतिक सगळ्यांनाच जरा जास्तच असतं नाही का ?

Submitted by पुरंदरे शशांक on 22 August, 2012 - 23:22