शिळ्या पोळ्यांचे थालीपीठ : एक फर्मास पाककृती

Submitted by भुंगा on 22 March, 2012 - 04:05

लागणारा वेळ:
१५ मिनिटे
लागणारे जिन्नस:
शिळ्या पोळ्यांचा कुस्कर
कांदा
हिरव्या मिरच्या
बारीक चिरलेली कोथिंबीर
दाण्याचे कूट
मीठ

क्रमवार पाककृती:
१) शिळ्या पोळ्यांचा कुस्कर थोडा पाण्याचा हबकारा मारून नरम होऊ द्यावा .
२) हिरव्या मिरच्या मिक्सरवर वाटून घ्याव्यात.
३) पोळ्यांचा नरम कुस्कर + बारीक चिरलेला कांदा + मिरचीचे वाटण + मीठ + दाण्याचे कूट + बारीक चिरलेली कोथिंबीर एकत्र करून थालीपीठासाठी गोळा मळून घ्यावा.
४) तेल सोडून मस्त पातळ व खरपूस थालीपीठे भाजावीत.
५) उलटताना मोडण्याचा संभव असल्याने खूप मोठी थालीपीठे लावू नयेत.

गरम गरम थालीपीठावर तूप घालावे. लिंबाचे गोड लोणचे /चुंदा/ दही वा टोमॅटो केचप बरोबर छान लागतात.

वाढणी/प्रमाण:
मी पाच शिळ्या पोळ्या कुस्करून घेतल्या होत्या. ४ मीडीयम साईझची थालीपीठे झाली.
अधिक टिपा:
पुढच्या वेळी उकडलेला बटाटा पण अ‍ॅड करून बघणार आहे. त्याने कुस्कराला एकजिनसीपणा येईल असे वाटतेय.

फोटु नाहीत, त्याआधीच निंबुडा यांची थालीपीठे गट्टम झाली होती. Proud

माहितीचा स्रोत:
निंबुडा यांचे "पोह्याचे थालीपीठ" ही पाककृती Happy

http://www.maayboli.com/node/33418

गुलमोहर: 
विडंबन
शेअर करा

शिळ्या पोळ्यांचे थालिपिठ हे शीर्षक बघितले आणि पाकृ म्हणुन उघडणार तोच "विडंबन" दिसले.

आणि चला आता वाचुया काय लिहिलेय ह्या विडंबनात म्हणुन आत आले तर आत चक्क पाकृ...>>>>>++१

Submitted by सृष्टी on 22 March, 2012 - 04:43

बेफि, विडंबन चा विरुद्धार्थी शब्द काय ? म्हणजे तसे प्रयत्न करायला सांगू.
म्हणजे इथे लिहिलेली कविता विडंबन मानून, वरिजिन्ल ल्ह्याची !!

बागेश्री, ती कविता नै का ?
देणार्‍याने देत जावे.. तसं झालंय. मला कविता करणे जमले नाही दहा वर्षात, पण
बाकी सगळ्यांना रेस्प्या जमायला लागल्या !!

Submitted by दिनेश. on 22 March, 2012 - 04:57

झालंय. मला कविता करणे जमले नाही दहा वर्षात, पण
बाकी सगळ्यांना रेस्प्या जमायला लागल्या !!>> Lol लई भारी Proud

Submitted by बागेश्री on 22 March, 2012 - 04:59

विडंबन चा विरुद्धार्थी शब्द काय >>

अशोक यांना विचारायला हवे

रेस्प्या जमायला लागल्या -

कारण तुम्ही त्या कशा करायच्या हेही लिहिता. आम्ही स्वतःला कवी समजणारे मुळ्ळीच लिहीत नाही की कविता कशी करतात Proud

Submitted by बेफ़िकीर on 22 March, 2012 - 05:02

काय बोलताय राव, हे वरचे विडंबन कशाचे आहे मग? Proud

पाककृतीचे विडंबनही पाककृतीच की?

जसे कवितेचे विडंबन ही कविताच

Submitted by बेफ़िकीर on 22 March, 2012 - 05:05

ओ म्हणजे बेफी, आता कवितेची रेस्पी येणार तर !!
बचकभर प्रेम, छटाकभर विरह, त्रासाची फोडणी, अश्रुंचा इसेन्स,
चवीला चंद्रमा, सजावटीला नक्षत्रे, वासासाठी फुले...

Submitted by दिनेश. on 22 March, 2012 - 05:09

अहो बेफी, "तुमच्या" लिहायचं राहिलं हो.....
आता पाककृतीचं विडंबन करून तिथेच "छे मी पाककृतीचे विडंबन केलेच नाही" असे धाधांत खोटे बोलायला मी काय........ Proud

Submitted by भुंगा on 22 March, 2012 - 05:12

बचकभर प्रेम, छटाकभर विरह, त्रासाची फोडणी, अश्रुंचा इसेन्स,
चवीला चंद्रमा, सजावटीला नक्षत्रे, वासासाठी फुले...>>आणि हो वैताग, हास्य, चांदणे ह्यांची पेस्ट टाकायला विसरू नका- मस्सालेदार भाजी- रेडी टू सर्व Rofl

Submitted by बागेश्री on 22 March, 2012 - 05:15

बचकभर प्रेम, छटाकभर विरह, त्रासाची फोडणी, अश्रुंचा इसेन्स,
चवीला चंद्रमा, सजावटीला नक्षत्रे, वासासाठी फुले..>>

Rofl

ते गझलेत असतंच आधीपासून, पाच वेगवेगळे शेर करायचे म्हंटले की मिक्श्चर घ्यावेच लागते Biggrin

असे धाधांत खोटे बोलायला मी काय.>>

Lol

Submitted by बेफ़िकीर on 22 March, 2012 - 05:16

Rofl

Submitted by विजय दिनकर पाटील on 22 March, 2012 - 05:16

चला, दिनेशराव, तुम्ही प्रदान केलेल्या प्रेरणेचा इतका परिणाम झाला आहे की मी आता कवितेची रेसिपी लिहायला

घेतोच

पंधराच मिनिटांत तुम्हाला दिसेल ती

Happy

मनापासून धन्यवाद

Submitted by बेफ़िकीर on 22 March, 2012 - 05:17

देणार्‍याने देत जावे.. तसं झालंय. मला कविता करणे जमले नाही दहा वर्षात, पण
बाकी सगळ्यांना रेस्प्या जमायला लागल्या !!

Lol

दिनेशदा निळू फुलेंचा एक डायलॉग आठवला... नागड्याशेजारी उघडं गेलं आन ते बी....

Submitted by Kiran.. on 22 March, 2012 - 06:47

भुंगा, टू मच.... Rofl
किती सिरियसली वाचायला आले होते... Biggrin
अरे वा.. दिनेश दा ला कविता लिहायला जमलं नसेल पण इन्ग्रेडिएंट्स तर माहीत आहेतच नक्कीच..

Submitted by वर्षू. on 22 March, 2012 - 08:09

अश्याने नवनव्या पाककृती करण्यास हुरूप येतो >>>>
विडंबन पाककृतीचे फोटु पण हवेत आम्हाला!!:स्मित:
शिळ्या पोळ्यांचं थालिपीठ नीट थापलं जातं का शंका आहे जरा!!:खोखो:

Submitted by अनिताताई on 22 March, 2012 - 12:36

ईईईईईईईईईईईईईईईईईईईईई>>>>>>>>>>> उकडलेला भुंगा क्कॉय????? Uhoh

मी शेवटपर्यंत सिरीयसली वाचली पाकृ, अन प्रतिसादात कळले की, हे निंबीच्या पाकृ चे विडंबन आहे. नाहीतर येत्या वीकेंडला नवर्‍याला ह्या नवीन प्रयोगास सामोरे (न्यु एक्स्प्रीमेंटला फेस करावे लागले अस्ते असेच म्हणणार होते खरं तर.....पण जौदे Wink ) जावे लागले अस्ते. Proud

Submitted by टोकूरिका on 23 March, 2012 - 23:36

Pages