अस्तित्व

Submitted by मंदार-जोशी on 19 October, 2011 - 08:32

आज रात्री जेव्हा
तू चंद्र बघशील ना रे
तेव्हा माझी आठवण काढ...
तो सुंदर दिसतो म्हणून नव्हे रे!
तर अशासाठी,
की जसा असंख्य तार्‍यांच्या
संगतीत असूनही तो एकलाच
तशीच सार्‍यांत असलेली
मी ही...

तुझ्याच अमर्याद मनोधैर्याच्या साथीने
जगते आहे रे
माझ्या अस्तित्वाची मालकी
तुझ्याकडे सोपवून
निर्धास्त....

तुझीच प्रभा
आसमंतात पसरवते आहे
लांबूनच रवीकिरणं झेलून
परावर्तित करणार्‍या
त्या चंद्रासारखीच

तरीही...
हा एकलेपणा संपवण्याची
भलती स्वप्नं
नको रे दाखवूस
आपल्यातलं अंतरच करेल
माझी राखण!

पण...
काहीही झालं तरी
माझं अस्तित्वच
तुझ्या 'असण्यावर' अवलंबून!!

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
ब्लॉगवर पूर्वप्रकाशित
- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

गुलमोहर: 

शारीरिक दूरत्व आणि मानसिक जवळीक असा काहीसा भाव जाणवला.
"आपल्यातलं अंतरच करेल
माझी राखण!" ... हे आवडलं.

सुंदर कविता... !

तुझीच उर्जा
आसमंतात पसरवते आहे...?????
लांबूनच रवीकिरणं झेलून
परावर्तित करणार्‍या
त्या चंद्रासारखीच.......असंबध वाटले,

Happy

ही खरी मनातुन उतरलेली आहे... (स्वगत)

आयुष्यात एकदा तरी कुणावर प्रेम बसले तर तो खरंच 'भाग्यवान'.
प्रगत परीपुर्ण प्रेमाची व्याख्या आहे ही रचना.

मंदार जोशी, तुम्ही शब्दांना कितीही बांधले तरी, काही तरी सुटल्या सारखेच वाटत राहील.
शब्दांना 'अर्थ' नाही येथे.

सुंदर.

<<तुझ्या 'असण्यावर' अवलंबून!!<<
मस्त आशय! Happy

मंदार, तुझ्यातला कवी बाहेर येतोय म्हणायचं!

Pages