मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
२ अंड्यातील पिवळे बलक
१ टेबलस्पून साखर
१ टेबलस्पून पाण्यात विरघळवलेली इंन्स्टंट कॉफी
सजावटीसाठी:
चॉकलेटचा चुरा, चॉकलेट स्ट्रॉज, लेडी फिंगर/स्पाँज फिंगर बिस्किटे, आमाराती बिस्किटे किंवा कुठलिही चॉकलेट बिस्किटे या पैकी काहिही.
'वर्ल्ड एग डे'
'संडे हो या मंडे, रोज खाओ अंडे' ही जाहिरात आपल्या सगळ्यांच्याच परिचयाची आहे. अंडी खाल्याने होणारे अनेक फायदे आहेत.
ऑक्टोबर महिन्यातील दुसरा शुक्रवार हा 'वर्ल्ड एग डे' म्हणुन साजरा केला जातो. इंटरनॅशनल एग कमिशन तर्फे या दिवशी विविध कार्यक्रम आयोजित केले जातात.
यंदाचा वर्ल्ड एग डे या शुक्रवारी १४ ऑक्टोबर रोजी साजरा केला जाणार आहे. त्या निमित्ताने अंडी वापरुन बनवलेल्या काही पाककृती या आठवड्यात देण्याचा विचार आहे.
फंडु-अंडु - १ - 'मिनी पावलोवा' (ऑस्ट्रेलिया)
फंडु अंडु - २ - 'मार्बल्ड टी एग्ज' (चायना)
फंडु अंडु - ४ - 'ग्येरन झिम - Gyeran Jjim' (कोरिआ)
फंडु अंडु - ५ - डेझर्ट - 'स्नो एग्ज' (फ्रान्स)
**************************************************************************
'मोक्का साबायॉन/झाबायोन - Mocha zabaglione ' (इटली)
साबायॉन/झाबायोन हा क्लिसिक इटालियन डेझर्ट पेयाचा प्रकार आहे. नवव्या शतकात पहिल्यांदा साबायॉन/झाबायोन बनवला गेला असे विकीपेडियामधे दिले आहे.
ओरिजनल साबायॉन/झाबायोन मधे अंड्याचे पिवळे, साखर आणि मर्साला लिकर वापरली जाते. मर्साला ऐवजी मडिरा वाईन किंवा स्वीट शेरी किंवा शँपेन देखिल वापरली जाते.
क्रमवार पाककृती:
१. इंस्टंट कॉफी थोड्या पाण्यात विरघळवुन घ्या.
२. एका पातेल्यात पाणी उकळायला ठेवा. उकळी आली की आच बारीक करुन पाणी तापू द्या.
३. त्या पातेल्यावर बसेल असे दुसरे हीटप्रुफ पातेले/बोल घेऊन त्यात अंड्याचा बलक आणि साखर घाला. हे मिश्रण थोडे हलके होईपर्यंत फेटुन घ्या.
४. या मिश्रणात आता कॉफी घाला आणि परत थोडे फेटा.
५. आता हे पातेले गरम पाण्याच्या पातेल्यावर ठेवा (डबल बॉयलर पद्धत). वरचे पातेले आतल्या पाण्याला लागणार नाही याची खबरदारी घ्या.
६. आतले मिश्रण सतत फेटत रहा. मिश्रण घट्ट पण फेसाळ दिसायला लागेपर्यंत फेटत रहा.
७. ग्लासात बिस्किटाचे, स्पाँज फिंगरचे तुकडे टाकुन त्यावर हे मिश्रण ओता. थोडे गार झाल्यावर त्यावर किसलेले चॉकलेट घालुन सजवा व खायला द्या.
- साबायॉन/झाबायोन - zabaglione हे युज्वली लिकर वापरुनच बनवले जाते. मी लिकर ऐवजी कॉफी वापरली आहे.
- हे करायला थोडी प्रॅक्टिस लागते. गरम पाण्यावर पातेले ठेऊन अंड्याचे मिश्रण फेटताना भरभर फेटावे लागते पण त्याचबरोबर पातेल्याच्या तळाला गरम पाणी लागणार नाही याची काळजी घ्यावी लागते. आपल्याला अंदे हळुहळु शिजवायचे आहे. नाहीतर ऑमलेट बनेल 
- साबायॉन/झाबायोन - zabaglione हे गरम किंवा थंड कसेही सर्व्ह करता येते. बिस्किटाच्या तुकड्यांऐवजी फळांचे तुकडे, केक यावर सॉस सारखे घालुन देखिल खाता येते.
---------------
- माझे हात मिश्रण फेटत होते आणि दुसरे कुणी घरात फोटो काढायला नव्हते त्यामुळे या पाकृचे मधल्या स्टेप्सचे फोटो नाहीयेत.
लाजो कित्ती सुंदर दिसतोय हा
लाजो कित्ती सुंदर दिसतोय हा पदार्थ..
लाजो _/\_
लाजो _/\_
Pages