ववि २०११, हायलाईट्स.... माबो संवाददाती 'लाजो' की नजरोंसे
****************
माबोच्या वविची २४ ला निघाली गाडी
उचलले सगळ्यांना ज्यांनी भरली भाडी...
फार्मलाईफच्या आवारात जाऊन ठाकली खडी
पावसानेही साथ दिली बरसुन हरघडी...
उपमा आणि पाव मिसळ नाश्त्याला ओरपली
काहींनी चमचमीत चिबिही हादडली...
गरमागरम चहाने गार नरडी शेकली
पोटपूजा झाल्यावर सग्ळी मेंब(ढ)रं चहुऔर उंडारली...
पूलात स्विमली अन धबधब्यात भिजली
तेही कमी म्हणुन बंधार्यावर जाऊन डुंबली...
तिथेच गिर्याने जलक्रिडेची हौस भागवली
पब्लिकची मात्र हवा तेव्हा सॉल्लिड टाईट झाली...
झिम्माड पाऊस, चिंब मायबोलीकर, प्रवासातील नॉनस्टॉप गाणी, उडीबाबाचा पारंपारीक कार्यक्रम, स्विमिंग पूल आणि कृत्रिम धबधब्यात केलेली फुल्ल टु धम्माल, गिरीचा मनसोक्त जलविहार, रेस्क्यु ऑपरेशन :-), चिंब पावसातील समुहनृत्य :-), चमचमीत जेवण, संयोजकांचे "जरा हटके" स्पर्धा आणि बक्षिसे, अशा तर्हेने मायबोलीकरांचा लाडका वर्षोत्सव दणक्यात पार पडला. टिशर्ट/कॅप समिती, सुलेखनकार आणि उत्तम संजोयनाबद्दल संयोजकांचे आभार.
दिवसभर कोसळणारा "मुसळधार पाऊस" आणि "बंधारा" हे यावर्षीच्या वविचे खास आकर्षण होते. :-).
नावनोंदणीची अंतिम तारीख वाढवुन १६ जुलै २०११ केली आहे.
मायबोली घेउन येत आहे आमच्या अनेक उपक्रमांपैकी एक ज्याची समस्त मायबोलीकर अत्यंत अतुरतेने वाट पाहतात असा नाविन्यपूर्ण, लज्जतदार, खुमासदार, हवाहवासा वाटणारा तो 'वर्षा विहार'.
अर्थात आपल्या सर्व आवड्त्या नावड्त्या... पाहीलेल्या...न पाहीलेल्या...ख-या आणि अर्थातच कदाचित ड्यु आयडी मायबोलीकरांना प्रत्यक्ष याची देही याची डोळा भेटण्याची पर्वणीच!!!! यंदाचा हा मैत्रीचा सोहळा संपन्न होणार आहे २४ जुलै २०११ या दिवशी कर्जत-चौक फाट्यापासुन साधारण ३०-३२ कि.मी. अंतरावर असलेल्या "फार्म लाईफ होलिडेज" इथे.