एवढेच ठरले....
एवढेच ठरले, होणे न तुमचे
हृदयीं पुरावे उरले न तुमचे
मी उगाच होतो बाजूस तुमच्या
ते उगाच होते 'पटणे न तुमचे'
फार लागले नाही काळजाला
आसपास असुनी दिसणे न तुमचे
बोलले कुणी की संताप इतका
म्हण कधीतरी 'मी ऐकेन तुमचे..'
वेळ एकदा ती येईल तेंव्हा...
शब्द ओकलेले कळवेन तुमचे
आणखी हवी तर धाडेन साखर...
का अजून पाणी गोडे न तुमचे ?
खूप ऐकले मी अन सोसले ते
बोलणे पडावे खोटे न तुमचे
हाल जे तुम्ही केले आज माझे
एवढीच इच्छा; व्हावे न तुमचे