जन्गल

दुधवा -पिलिभित जंगल डायरीज - भाग १
जंगल हा प्रकारच मोठा चित्ताकर्षक आहे. पण तराई भागातली अरण्ये हा त्यात पण वेगळा क्लास आहे... शेकडो वर्षे जुन्या , साल वृक्षांच्या दाट गर्दीने सदैव हिरव्या कंच सदाहरित गवताळ मैदानातून 'कोभांची लवलव -सांगे भूमीचे मार्दव ' असा काव्यात्म माहोल मिरवणारा ,अरभाट मामला .कॅनॉपितून जेव्हा झिरझिरत उन्हे खाली जंगलवाटेवर उतरतात ना..तेव्हा चुकून जरी कॅमेऱ्याचा क्लिक उडला तरी फ्रेमवर्दी फोटो मिळावा....
कॉर्बेट चे जंगल हे तराई चे एक टोक.

जंगल : अनुभवाचा आतला प्रवास-
" काय वैनी? निघाला का जंगलात…? ओठांच्या कडेवरचे हसू दाबत , काय तरी बाई तऱ्हेवाईक आवडी ?? - असे एक्सप्रेशन चेहऱ्यावर घेऊन घरातल्या मदतनीस बाईनी प्रश्न केला आणि आम्ही जंगल सफरीला निघतोय ही बातमी गावभर झाली असल्याची ग्वाही मिळाली ..
पण विचार केला तर जाणवले की खरंच .. चक्क व्यसन असावे असे विथड्रॉवल्स येतात मला .. बुद्ध पौर्णिमा जवळ आली की !! किंवा डिसेंबर मध्ये जरा सलग सुट्टी मिळण्याची शक्यता दिसली की . काय बरे गोम आहे ? काय आहे काय असे त्या जंगलात ???