दिनकर

श्रेष्ठ रामभक्त श्री लक्ष्मणजी

जनक वचन पूर्ति राघवे शिरोधार्या
सहज वनी निघाले सोडूनी ती अयोध्या

प्रभु तरी मज तुम्ही बंधू सौमित्र बोले
विचरत तुज पाठी काननी सौख्य झाले

रमत न मन भक्ता भोग भिंगुळवाणे
चरण तरी प्रभूचे योगचि मुख्य होणे

समजुत बहु काढी राघवे लक्ष्मणाची
वचन मज निभाया कानने एकलाचि

दृढतर वचनांनी बंधू नाकारिले ते
तुज सह तरी येणे हेचि कर्तव्य साचे

विरघळत प्रभूचे चित्त या भक्त योगे
सहचर सुख मोठे काननी राघवाते

विपरित जरी काही येत दृष्टीपुढे ते
कर तरी पुढती ये घेतसे वार मोठे