मानसकथा

ती नगरी मोठी विलक्षण होती. म्हणजे सुंदर वगैरे आणि वैभवसंपन्न वगैरे.
तिथले रहिवासी होते फार फार सुखी आणि समाधानी. उत्कृष्ठ दिनक्रमाच्या पौष्टीक दाण्यांनी ओतप्रोत भरलेल्या तजेलदार कणसांसारखे. उत्साही, आनंदी, सदाप्रफुल्लित, हसतमुख, जीवनाविषयी सकारात्मक दृष्टीकोन बाळगणारे... वगैरे.
आणि असे आहे म्हणजे असेही असणारच की त्यांचा राजा होता फारच सज्जन. चांगला. कनवाळू. निष्ठावंत. प्रजाहितदक्ष. हुशार. नितीमंत. वगैरे. वगैरे. वगैरे.
आणि त्याचा प्रधान. आणि एक साधू. एक सेनापती. आणि इतर.
वगैरे.