हिमसफर सारपास-२०१९
Submitted by अजित केतकर on 10 April, 2021 - 05:30
हिमालय - लहानपणी बर्फाचे घर असा अर्थ कळल्यापासून कमालीची उत्सुकता लागलेला शब्द. हिमाचल प्रदेशात फिरण्यासाठी जाणे झाल्यामुळे ही उत्सुकता जरी काहीशी कमी झालेली होती तरी त्याच्या कुशीत शिरायची इच्छा अजून अपुरीच होती. सह्याद्रीत फिरणे होत असले तरी त्याच्यापेक्षा बलाढ्य असणाऱ्या पर्वतराजाच्या अंगाखांद्यावर खेळणे झाले नव्हते.