केरळी पदार्थ

२३ वर्षांपूर्वी बेंगळूरू मध्ये आल्यावर पहिल्यांदाच अस्सल दक्षिण भारतीय पदार्थांशी सामना झाला. आधी सौदिंडियन म्हणजे दोसा इडली चटणी सांबार एवढंच माहिती होतं. पण साऊथ म्हणजे कर्नाटक, तामिळनाडु, केरळ आणि आंध्र असे चार (तेव्हा चार आता तेलंगणा धरून पाच) निरनिराळी राज्यं आहेत, त्यांच्या निरनिराळ्या संस्कृती, खाद्य संस्कृती आहेत आणि आपण खादाड असल्यानं ते आपल्या पथ्यावरच पडणार आहे हे हळूहळू लक्षात येऊ लागलं. आधीपासून थोडी फसी ईटर असल्यानं सुरुवातीला अवघड वाटलं, पण थोडा आपला दृष्टिकोन बदलल्यावर सर्वच पदार्थ आवडायला लागले.