बिथोवन

पाश्चात्य संगीताच्या इतिहासात बिथोवन सिंफनी नववी ही किती वेळा आणि किती ठिकाणी वाजवली गेली याची मोजदाद करणे केवळ अशक्य. पाश्चात्य देशात त्यांचेच संगीत आणि त्याचा आस्वाद घेणारी मंडळी असतील यात नवल काही नाही पण आपले पंतप्रधान नरेंद्र मोदी देखील बिथोवनची सिंफनी ऐकण्यात गुंग झाले हे नवलच. ही सिंफनी म्हणजे दांडिया संगीत नव्हे की ज्यासाठी त्यांनी ताल धरावे. जुलै २०१७ च्या पहिल्या आठवड्यात हॅम्बर्ग येथे झालेल्या १२ व्या जी -२० शिखर परिषदेदरम्यान, होस्टेस अँजेला मर्केल यांनी शहरातील नव्या कोऱ्या कोंसर्ट हॉलमध्ये बीथोवन सिंफनी क्रमांक नऊ ऐकण्यासाठी जागतिक नेत्यांची व्यवस्था केली होती.