La flor del amor - blossom of love

ऋतू हा हवासा

Submitted by कविन on 26 July, 2020 - 05:27

ऋतू हा हवासा, हवा ही गुलाबी
तुझा हात हाती असा राहूदे -२

तुझा हात हाती गुंफूनिया मी
जरी टाकते हे पाऊल नवे
वाटा नव्या या, खुणवी मला; पण
मनी हुरहुरी का उगा दाटते

तुझी साथ असता, तुझ्या सोबतीने
मिटवीन साऱ्या शंका प्रिये
तुझा स्पर्श होता, स्पर्शातूनीया
मुक्यानेच सारे मला आकळे

तुझे स्वप्न हलके बिलगले मला अन्
अता काही दुसरे मला ना दिसे
अनवट सुरांच्या किनाऱ्यावरी या
तुझ्या भावनांचे उमटले ठसे

हे यांचे गाणे आहे

Subscribe to RSS - La flor del amor - blossom of love