दीप पेटवा मनातले

आज दि.५ एप्रिल २०२० रोजी रात्री ९ वाजता ९ मिनिटे दिवे प्रज्वलित करण्याच्या संबंधात-
दीप पेटवा मनातले

दीप लावून अंधारात, प्रकाश पडेल चोहीकडे
अज्ञानाच्या अंधारा पण, घालील कोण साकडे

अंधार हटवा दीप पेटवा, नाही फक्त हातातले
मनातही प्रकाश पडू द्या, दीप पेटवा मनातले

'बोले तैसा चाले त्याची, म्हणे वंदावी पाऊले'
संत तुकाराम सांगून गेले, खरेच कोण वागले!

कानी कपाळी ओरडून, उलट्या कळशी पाणी
घरात बसा गर्दी आवरा, सांगून थकली वाणी