परत ये चिऊताई

परत ये चिऊताई

Submitted by Dr Raju Kasambe on 27 July, 2019 - 00:49

परत ये चिऊताई

चिऊताई चिऊताई रुसलीस का?
मोबाईलच्या लहरींना तू फसलीस का?

मोबाईलच्या लहरींनी दुखते का गं तुझे डोके?
आमच्याच तंत्रज्ञानाचे कळेना आम्हाला धोके!

चिऊताई चिऊताई रुसलीस का?
खाऊ तुझा तू हरवून बसलीस का?

खाऊसाठी गरज मुळी नव्हतीच तुझी मोठी
धान्याचे दाणे, अळ्या आणि उष्टी खरकटी!

चिऊताई चिऊताई रुसलीस का?
घरटे तुझे तू हरवून बसलीस का?

घरट्यासाठी गरज मुळी नव्हतीच तुझी मोठी
फोटोची फ्रेम, छोटासा कोनाडा वा भिंतीतल्या फटी!

चिऊताई चिऊताई रुसलीस का?
नजरेआड दूर दडून तू बसलीस का?

Subscribe to RSS - परत ये चिऊताई