।।मेलेलं कोंबडं।।। (भाग-२)
।।मेलेलं कोंबडं।।
(भाग २)
विचारसरशी जुई चालायला लागली होती. पण तितक्यात रस्ता क्रॉस करून सुहास तिच्यासमोर आला देखील. तिला थांबावंच लागलं...
"कशासाठी आलायस?" जुईने शक्य तितक्या कोरड्या स्वरात विचारलं...
"तुला भेटायला जुई! मी तुला भेटायला आलोय... कोण जाणे आता पुढे काय होईल? तुझं-माझं काही झालं तर सांगणारही कोणी नाही. नुसतीच वाट बघत बसू”… सुहास अगदी काकुळतीला येऊन समजावण्याचा प्रयत्न करीत म्हणाला.