मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
मेंडेलीफची कविता
Submitted by Asu on 26 November, 2018 - 22:17
मेंडेलीफची कविता
मूलद्रव्य हे शब्द घेऊनि
कविता रचली रसायनी
पिरिआॅडिक टेबल म्हणती कुणी
कुणी म्हणती आवर्त सारणी
मेंडेलीफ तव कारागिरी
अद्भुत केली किमयागिरी
मानवतेचे उपकार शिरी
कविता केलीस जादुभरी
मात्रा वृत्त काव्य रसायन
अष्टचक्र जरी वृत्त गहन
नाद लयीचा ठेका घेऊन
बांधिली कविता त्यात महान
द्रव्य रचिता अणुक्रमे
नियम पाळती आवर्तनांचे
द्रव्ये सहज चालत येती
गणात समान गुणांचे
शब्दखुणा:
