काश्मिरी कळ्यांना

काश्मिरी कळ्यांना

लुटले काश्मिरी कळ्याकळ्यांना
ठाई ठाई बंदुका
निसर्गराजा दुःखी होऊन
रोज देतो हुंदका

बागबगीची कळ्याकळ्यांना
श्वास झाले कुंद का ?
प्रत्येक कळी फुलण्याआधी
आज देते हुंदका

हसणे गाणे कळ्याकळ्यांना
आज झाले बंद का ?
माय रडे लेकीसाठी
गळ्यात येई हुंदका

वारा छेडी कळ्याकळ्यांना
जन्मजात छंद का ?
झाडावरची फुले पाहुनि
देती केवळ हुंदका

एक सांगणे कळ्याकळ्यांना
वाऱ्या दावा दंडुका
रडणे भेकणे सोडा आता
नका देऊ हुंदका