Submitted by Asu on 14 October, 2018 - 23:01
काश्मिरी कळ्यांना
लुटले काश्मिरी कळ्याकळ्यांना
ठाई ठाई बंदुका
निसर्गराजा दुःखी होऊन
रोज देतो हुंदका
बागबगीची कळ्याकळ्यांना
श्वास झाले कुंद का ?
प्रत्येक कळी फुलण्याआधी
आज देते हुंदका
हसणे गाणे कळ्याकळ्यांना
आज झाले बंद का ?
माय रडे लेकीसाठी
गळ्यात येई हुंदका
वारा छेडी कळ्याकळ्यांना
जन्मजात छंद का ?
झाडावरची फुले पाहुनि
देती केवळ हुंदका
एक सांगणे कळ्याकळ्यांना
वाऱ्या दावा दंडुका
रडणे भेकणे सोडा आता
नका देऊ हुंदका
- प्रा.अरुण सु. पाटील (असु)
(दि.14.10.2018)
© सर्व हक्क स्वाधीन
https://www.facebook.com/AsuChyaKavita
शब्दखुणा:
Groups audience:
Group content visibility:
Use group defaults
शेअर करा