आंगड

बब्या
आज अचानक सामानाची आवराआवर करताना माझा एक लहानपणीचा जुना फाटका निळा शर्ट पत्नीच्या हाती लागला . काही जुन्या रोजनिश्या आणि हा शर्ट एका ट्रंकेत तिला मिळाला .

पत्नी म्हणाली " हे काय आठवणीत चिंध्या पण " .
मी म्हणालो " जीर्ण आठवणी सुध्दा मनाला तजेला देतात . "
जीर्ण वाडा किंवा किल्ला आपलीच कहाणी आपल्यालाच कथन करतो आणि हरवतो गत काळच्या भल्याबुर्या आठवात. मनाची भटकंती अगदी लहानपणी जत्रेत पाहिलेल्या जादुई सिनेमा पेटीसारखी .
आपलाच जीवनपट आपल्यासमोर उलगडू लागतो .