ज्वारीच्या पिठावरचे प्रयोग

आफ्रिकेत मक्याचे पिठ सहज मिळते. त्यातही बारीक पिठ, रवा, जाडसर तूकडे असे सर्व प्रकार असतात.
पण मला इथे चक्क एका दुकानात ज्वारीचे पिठ मिळाले. मिळाले म्हणून मी दोन किलो घेऊन आलो.
त्याच्या भाकर्‍या केल्या पण मी भाकरी करणार ती आठवड्यातून एकदा. त्यामूळे पिठ काही लवकर संपले नसते.

सायुशी बोलताना तिने इन्स्टंट बिबड्यांबद्दल सांगितले. ज्वारीच्या पिठाचा असा प्रकार मी आधी खाल्ला नव्हता.
माझ्या आजोळी सालपापड्या करतात त्या तांदळाच्याच. माझी आई पण घरी करत असे त्या. दोन्ही घरी ज्वारीचे
पिठ वापरात होते ( भाकरीसाठीच ) तरी असा प्रकार होत नसे.