महाशिवरात्र

ऋषीमुनीशी साधर्म्य दाखवणारे ऋन्मेष असे माझे नाव आहे, पण आहे पक्का मी नास्तिक.

हि झाली प्रस्तावना. आता किस्सा झेला !

गर्लफ्रेंडची वाट बघत पार्कातल्या गुर्‍हाळात बसलो होतो. जवळच मध्यमवयीन गृहस्थांचा एक कट्टा भरला होता. विषय चालू होता क्रिकेटचा. पण संदर्भ वेगळा. जवळच्याच एका शिवमंदीराच्या आवारात ट्वेंटी-२० आशिया चषकातील भारत-पाक सामन्याचे थेट प्रक्षेपण एका पडद्यावर दाखवले गेले होते. तसेच त्यानंतर रविवारचा भारत-बांग्लादेश सामनाही रंगला होता. यावर त्या लोकांचा कडाडून आक्षेप होता, त्यामुळे वातावरण थोडे तापले होते.

"क्रिकेटचे सामने ही काय मंदीरात दाखवायची गोष्ट आहे का?"