नायजेरियन विचित्र कथा - ३ - लेगॉसचा विमानतळ

लेगॉसचा विमानतळ... खुप सांगण्यासारख्या कथा आहेत याबद्दल. हा काही साधासुधा विमानतळ नाही. इथे ब्रिटीश एअरवेज, सबीना, एअर फ्रांस, अल इतालिया, लुफ्तांसा, स्विस एअर, एमिरेट्स, कतार एअरवेज, इथिओपियन, केनया एअरवेज... अशी अनेक विमाने रोज उतरतात. ( कधीका़ळी नायजेरियन एअरवेजही होते.. पण त्याची कथा पुढच्या भागात आणि त्याही आधीच्या काळात एअर इंडिया ची मुंबईहून थेट सेवाही होती.. पण त्यात एवढी गडबड झाली, कि पायलट राजीव गांधींना स्वतः जाऊन ते विमान आणावे लागले होते.. )

जून १९९६ ला मी इथे पहिल्यांदा जाणार होतो. त्या काळात नेट वगैरे नव्हते, तरीही इथल्या विमानतळाबद्दल