पुणे आंतरराष्ट्रीय चित्रपट महोत्सव - २०१५

गेला आठवडाभर तमाम चित्रपटप्रेमींच्या गर्दीत सुरू असलेला जगभरातल्या उत्तमोत्तम चित्रपटांचा महोत्सव आज संपला.

कोथरुडातल्या सिटिप्राईड चित्रपटगृहात समारोप व बक्षीससमारंभ रंगला. या कार्यक्रमाला प्रमुख पाहुणे म्हणून महाराष्ट्राचे सांस्कृतिकमंत्री श्री. विनोद तावडे उपस्थित होते. स्पर्धेचे परीक्षक, महोत्सवाचे प्रायोजक यांचीही कार्यक्रमाला उपस्थिती होती.

समारोप समारंभाचं मुख्य आकर्षण होतं महोत्सवाच्या स्पर्धाविभागाचा निकाल.

तर, नवं वर्षं सुरू झालं.
नवं वर्षं सुरू होताना तमाम चित्रपटप्रेमी पुणेकरांना वेध लागतात ते 'पिफ'चे.
म्हणजे 'पुणे आंतरराष्ट्रीय चित्रपट महोत्सवा'चे.
कारण चित्रपटगृहातल्या आश्वासक अंधारात भल्यामोठ्या पडद्यावरच्या हलत्या चित्रांबरोबर जगभरातल्या माणसांशी, त्यांच्या सुखदु:खांशी नातं जोडण्यासारखं सुख दुसरं नाही.