कुंडी

बागेची आवड असूनही जागेअभावी बाग लावणे शक्य होत नाही अशावेळी दुधाची तहान ताकावर भागवावी तसे आपण कुंडी, ग्रो बॅग, बाटली इ. मध्ये एखादे तरी झाड आपण लावतो. अशीच गच्चीवर परसबाग करायचा प्रयत्न केलाय..
चुकांतुन शिकत, पड़ता धडपड गेल्या 3 महिन्यांत छोटीशी परसबाग उभी राहिली. मायबोलीवर अनेक विषयातील जाणते आहेत. अनेक निसर्गप्रेमी आहेत. म्हणून याविषयावर लिहावे आपली छोटीशी बाग त्यातून मिळणारा आनंद इथे शेअर करावासा वाटला.
मायबोली च्या इतर सदस्यांनी सुद्धा आपले अनुभव, आठवणी, अभिप्राय शेअर केल्यास आवडेल.
बागकामाचा श्री गणेशा

परवाच्या दिवशी सकाळी सकाळी शेजारच्या जोशी वैनी चा पौडर मागायला आल्या होत्या. जोशी काका अगोदरच आमच्या घरातल्या सोफ्यावर पेपरसोबत पसरले होते. त्यांचा चहा नुकताच उरकला होता. अर्थात, आमच्याच घरचा. जोशी वैनी मात्र उसुलाच्या पक्क्या असल्याने त्या दुसर्‍याच्या घरची तयार चहा पित नाही. काका-वैनींची नजरानजर झाली तसा त्यांना त्यांचा घरगुती प्रॉब्लेम आठवला. त्यांचे आणि आमचे फैमिली रिलेशन आहेत, असेच ते समजत असल्याने त्यांनी लागलीच तो आम्हाला सांगायला घेतला..