शब्द-शब्द

शब्द-शब्द

जरी आसमंत सारा, हा स्तब्ध-स्तब्ध आहे
गुंजारव कानी करतो, तव शब्द-शब्द आहे

हे कसले चेटूक झाले, न कळे मजला काही
स्निग्ध तिच्या नजरेने, मी दग्ध-दग्ध आहे

मरणाचे सोडा आता, जगण्याने छळले आहे
श्वासाचीच भिती आता, मज अब्ज-अब्ज आहे

नशिब असे की मित्रांनी, लाजविले शत्रूंनाही
दोस्तांच्या या दोस्तीने, मी त्रस्त-त्रस्त आहे

लाख विनवण्या माझ्या, लाख "नको" झाले
पण एक तुझ्या "हो" ने, मी तृप्त-तृप्त आहे

ते पैलतीर दिसता, ऊरभेट तुझी व्हावी
ही एकच आस मनी, मज फक्त-फक्त आहे

-अशोक