कर्वे रोडवरील होळीचे स्मारक

२८ मे ला सकाळी १०ला फ़र्ग्युसन कॉलेज रोडवरील तुकारामपादुका देवळासमोरच्या क्र.३ च्या प्रवेशद्वारातून शिरल्यावर सरळ गेल्यावर दगडी बांधकाम असलेल्या वसतीगृहाच्या प्रवेशद्वाराजवळ येताच देशभक्तीपर गीते कानावर आली आणि आपण योग्य जागी आलो याची जाणीव झाली. प्रवेशद्वारातून आत शिरल्यावर सुंदर रांगोळ्या मार्गदर्शक ठरत होत्या. तळमजल्यावर डाव्या बाजूची दुसरीच खोली क्र. १७ की जिथे मला पोचायचे होते.