श्रेयनामावली

नमस्कार मंडळी,

गेले काही दिवस वाजत गाजत असलेल्या २०१२ मायबोली गणेशोत्सवाची आता सांगता झाली. आपण सगळ्यांनी बाप्पांना " गणपती बाप्पा मोरया | पुढच्या वर्षी लवकर या ||" असं सांगून ती सुफळ संपूर्ण करविली.

अगदी श्रीगणेशाच्या प्रतिष्ठापनेपासूनच मायबोलीकरांच्या मदतीचा ओघ सुरु झाला. उच्चासनारूढ अशा गणेशमूर्तीचे प्रकाशचित्र जिप्सी यांनी अगदी विनाविलंब दिले. (मंडप, आजूबाजूची आरास वगैरे कलाकुसर संयोजकांची बर्का!) चैतन्य दिक्षीत यांनी बासरीवादनाचे पार्श्वसंगीत देऊन प्रतिष्ठापनेच्या मंडपाचे पावित्र्य द्विगुणित केले. हार्दिक आभार जिप्सी आणि चैतन्य!