मनाचे श्लोक – चित्रपटाच्या नावावरून चालू असलेला वाद

मी यासाठीच या विषयावर कधी लिहीत नाही, कारण वादविवाद हा माझा प्रांत नाही.
तुमच्या प्रतिसादात ज्या शक्यता गृहीत धरलेल्या आहेत ते तुमचे मत आहे ( एव्हढ्या मोठ्या लोकसंख्येकडे बुद्ध्यांक नाही).

मी आधीच्या किंवा अन्यत्र लिहीलेल्या प्रतिसादामधे एम्पथी हा मुद्दा अधोरेखित केला होता, जो तुम्ही डकवलेल्या उतार्‍यात बिल्कुल आढळलेला नाही. किनार्‍यावर बसून पोहणार्‍याला खोलीचा अंदाज येत नाही तसे कुंपणावर बसून कोणत्याही जनआंदोलनाचे, अनुयायांचे मूल्यमापन करणार्‍याला त्याचे मर्म समजत नाही. ज्या महापुरूषांचे अनुयायी पराभव करतात असे म्हटलेले आहे ते वाक्य वाघमारेंच्या आधीपासून लोक सांगतात कारण त्यांना त्या महापुरूषांना थेट नावे ठेवायची नाहीत म्हणून हा जावईशोध लावलेला आहे.

जर या महापुरूषांनी या मंडळींना बुध्यांक नाही असा अडाणचोट पवित्रा घेतला असता तर ते ही स्वतःभोवती कोष विणून लेख पाडत बसले असते तरीही ते प्रसिद्धच असते. पण करूणा हा एक विषय आहे जो ड्राईव्ह फोर्स आहे, आधीच्या, आधीच्या प्रतिसादात वाचा ते, तो कोरड्या टीकाकारांकडे नसतो. दोन वेळचं खायलाही ज्यांना नाही त्यांना सन्मान मिळवून देण्यासाठी त्यांच्यात राहून आंदोलन उभारणे आणि ओळख मिळवून देणं वेगळं आणि त्या नेत्यानंतर पोरक्या झालेल्या त्या जनतेला जज्ज करत काहीही निष्कर्ष काढणे वेगळे.

वाघमारे असं आंदोलन उभारू शकतात का हा निकष लावला तर ते सावलीतले विचारवंत आहेत ज्यांना काय लिहीले तर आपल्याला प्रसिद्धी मिळेल याचा अंदाज आहे असं म्हणता येतं.

सुनीताबाई देशपांडे म्हणतात ज्या विद्वत्तेमधे अहं आहे ते ज्ञान नसून निरूपयोगी माहितीचा साठा आहे. अन्य एका विद्वानाने म्हटलेले आहे ज्या विद्वानाकडे करूणा आहे त्याचे ज्ञान शीतल असते आणि ते आनंददायी असते, अर्धवट ज्ञानातून आक्रमकपणा येतो आणि अज्ञानात निव्वळ सुख असते.

मला हे लिहायचं जिवावर आलं होतं. इथे शब्दसीमा.

तुमच्या प्रतिसादात ज्या शक्यता गृहीत धरलेल्या आहेत ते तुमचे मत आहे >>खरंय .... जसं तुम्ही तुमचं मत व्यक्त करता, इथे लिहिणारे सर्व जण आपआपलं, आणि सुनीताबाई सुनीताबाईंचं, कुणी कुणाचं मत विचारात घ्यावं आणि सोडून द्यावं ही ज्याची त्याची कुवत.

एव्हढ्या मोठ्या लोकसंख्येकडे बुद्ध्यांक नाही. > >> हे एकांगी विचार करणं झालं, अशीही शक्यता होऊ शकते जसे, एका ठरावीक चौकटीच्या आतले विचार करताना असलेला बुद्ध्यांक(कॉग्निटिव्ह ऍबिलिटी) सप्रेस्ड होणे To almost disability level. (बघा विचार करून उलगडतंय का?)

https://www.researchgate.net/publication/385937782_The_Psychology_of_Indoctrination_How_Coercive_Cults_Exploit_Vulnerability_and_Foster_Radical_Beliefs

फाविदडि, किती तरी दिवसांनी 'महापुरुषांचा पराभव' हा धडा परत वाचला. लक्षात राहिलेला धडा आहे हा. धन्यवाद! मला हा शाळेत इयत्ता दहावीच्या मराठीच्या पुस्तकात होता. मला तेव्हा तर आवडला होताच (कारण शिक्षकांनी तो अतिशय चांगला शिकवला होता, उदाहरणे देऊन), पण मला अजूनही त्यातला विचार पटतो. अगदी गेल्याच महिन्यात मी कुणाला तरी सांगत होते याबद्दल!

https://www.loksatta.com/manoranjan/kerala-high-court-agrees-to-review-h...