पाककृती स्पर्धा क्रमांक १ - वरणभात सजावट - हर्पेन

Submitted by हर्पेन on 2 September, 2025 - 11:54

चिनी तत्वज्ञानानुसार यिन आणि यांग ह्या दोन विरोधी गोष्टी परस्परपुरक प्रकारे एकत्र येऊन एक संपूर्ण गोष्ट बनवतात ज्यामुळे विश्वात संतुलन आणि सुसंवाद निर्माण व्हायला मदत होते.

कर्बोदक आणि प्रथीने एकत्र येऊन बनते एक परिपूर्ण जेवण ज्यावर तूप मीठ लिंबू आणि तुळशीपत्र ह्यांनी चार चांद लावले की जे सात्विक प्रसादाचे पान तयार होते त्याने भूक खवळलीच पाहिजे आणि हे खाल्ल्यावर घरातही संतुलन आणि सुसंवाद निर्माण झालाच म्हणून समजा.

IMG-20250902-WA0116.jpg

खूप गरम वाफाळता भात वरणासोबत एकेक घास कालवत कालवत खायचा... थंडी पावसाच्या दिवसातले कॉम्फर्ट फूड

विषय: 
मायबोली
उपक्रम
शब्दखुणा: 
वरण भात
Groups audience: 
मायबोली गणेशोत्सव २०२५
Group content visibility: 
Use group defaults
शेअर करा

अरे वाह, लगेचच आले प्रतिसाद!
धन्यवाद अस्मिता, अमित आणि स्वाती.

स्वाती, सुबक आणि एकसारखे वाचून अंगावर मूठभर मांस चढलंय. सुरुवातीला भात वाढला, चमच्याने आकार नीट जमेना मग हातानीच आकार दिला ते करताना बायकोचे ऐकून हाताला पाणी लावल्यावर जमले आणि नंतर उरलेल्या भागात वरण वाढले. तूप थिजवून छोट्या पळीने गोळा काढला स्कुप

Submitted by हर्पेन on 2 September, 2025 - 12:19

दुपारी पाहिले तेव्हा हे यिन यांग काय चालू आहे लोकांचे ते कळत नव्हते...
सिम्बॉल ओळखीचा वाटला पण त्यात तत्वद्न्यान आणखी काय भरले आहे हे शोधायला म्हणून आता गुगल केले Happy

यिन और यांग चीनी दर्शन के अनुसार परस्पर विरोधी लेकिन पूरक ताकतों या सिद्धांतों के एक जटिल अवधारणा को दर्शाते हैं, जो जीवन और ब्रह्मांड में संतुलन और सामंजस्य का वर्णन करते हैं।

आणि हे खूप वादग्रस्त सापडले... यात स्वतंत्र धाग्याचे पोटेन्शियल आहे Happy

यिन और यांग के गुण
यिन:
नकारात्मक, निष्क्रिय, ग्रहणशील, स्त्री, ठंडा, अंधेरा, छायादार, शांत और भूमिगत।
यांग:
सकारात्मक, सक्रिय, रचनात्मक, मर्दाना, गर्म, उज्ज्वल, धूप वाला, शोरगुल और आकाश।

Submitted by ऋन्मेऽऽष on 2 September, 2025 - 13:14

वा, मस्त.
शेवटी काय बायकोचं ऐकण्याशिवाय पर्याय नाहीच ह्या जगात. Wink

Submitted by सायो on 2 September, 2025 - 14:03

धन्यवाद मंडळी
सायो - निर्विवाद सत्य Happy

ऋन्मेष - आपल्याकडेही प्रकृती आणि पुरुष अशी संकल्पना आहे. यीन यांग संदर्भात वादग्रस्त काय आणि का वाटलं तुला !
(शेवटी उद्गारवाचक चिन्ह आहे प्रश्न चिन्ह नाही हे ध्यानी घावे कृपया धन्यवाद Happy )

Submitted by हर्पेन on 3 September, 2025 - 01:08

सगळ्यात आवडलेली सजावट...खुप गिर्र न झालेलं.. शिजलेली पण आख्खी डाळ दिसणारं वरण मला जास्त आवडतं.. तुमचं तसंच दिसतंय. Happy
भारी सजावट

Submitted by स्मिता श्रीपाद on 3 September, 2025 - 01:07

वाह! ही सजावट आवडली. विशेष म्हणजे वाफाळता भात न निवता सजावट आणि मग भोजन दोन्ही शक्य आहे हे पण आवडण्याचे एक कारण आहे

Submitted by कविन on 3 September, 2025 - 01:50

कल्पक सजावट.

शेवटी उद्गारवाचक चिन्ह आहे प्रश्न चिन्ह नाही हे ध्यानी घावे कृपया धन्यवाद. >>> याचा आता काही उपयोग नाही. ऋन्मेशच्या डोक्यात किडा वळवळला आहे - आता धागा येणारच Wink

Submitted by माधव on 3 September, 2025 - 06:44

धन्यवाद मंडळी
कविन - सूक्ष्म निरिक्षण !
हो ही सजावट ज्याला हात लावून तोडू नये असे वाटणारी नाही. ही सजावट Functional Fashion सारखी आहे. वरण-भात खूप गरम असताना फुंकर मारत मारत एकेक घास कालवून खाताना जी मजा येते ती घेत घेत खाता येईल अशी आहे.

Submitted by हर्पेन on 4 September, 2025 - 00:16

यीन यांग संदर्भात वादग्रस्त काय आणि का वाटलं तुला !
>>>>

एकदा लिस्ट चेक करा –

यिन नुसार
स्त्री = नकारात्मक, निष्क्रिय, ठंडा, अंधेरा...

याउलट

यांग नुसार
मर्द = सकारात्मक, सक्रिय, गर्म, उज्ज्वल, रचनात्मक..

मला तरी हे वादग्रस्त वाटले.
सर्वांना मान्य असेल तर पुढे जाऊया Proud

Submitted by ऋन्मेऽऽष on 4 September, 2025 - 06:16

ऋनम्या तू माझा लाडका म्हणून तुला वरण भात भरवतो. नीट चावून खा Wink
तुझ्या पहिल्या प्रतिसादातले यिन किंवा यांग समोरचे शब्द एकमेकांचे समानार्थी नाहीयेत.

यिन समोर ज्या क्रमाने शब्द लिहिलेत त्याच क्रमाने यांग समोरचे शब्द त्याच्या विरोधी म्हणून आहेत. उदा नकारात्मक x सकारात्मक, निष्क्रिय x सक्रिय, ठांडा x गर्म शांत x शॉरगुल, भूमिगत x आकाश वगैरे
असं म्हटलं जातं की प्रत्येक माणसात (स्त्री अथवा पुरुष कोणीही असा) यिन आणि यांग ही दोन्ही तत्वे कमी अधिक प्रमाणात असतात. दोन्ही सम प्रमाणात एकत्र आले की समतोल / परिपूर्णता साधता येते.

Submitted by हर्पेन on 4 September, 2025 - 10:18

Pages