Submitted by निखिल मोडक on 28 July, 2025 - 08:39
तुझ्यापाशी आल्यावर
चार क्षण थांबतोच मी
आपसुक
तुझ्या उदासीन प्रवाहात
सोडतो मी माझ्या वेदनांचे
जळते दिवे
नकळत पडलेल्या पानासारखे
तरंगत राहते माझे मन
तुझ्या लहरींवर
किती शांतपणे वाहत राहतेस
आखून दिलेल्या मार्गावर
शिस्तशीर
पण भरून आल्यावर
तूही ऐकत नाहीस कोणाचे
माझ्यासारखे
विषय:
Groups audience:
Group content visibility:
Use group defaults
शेअर करा
छान. ठीक.
छान. ठीक.
वा सुंदर
वा सुंदर