तेलुगु पाककृती: उग्गानी (मुरमुऱ्याचा उपमा)

रेसिपी आणि फोटो मस्त! मिर्ची भजीसोबत खायला मस्त लागत असेल

तुमचे फोटो, लेखन यांनी साध्याशा पदार्थाला ग्लॅमर मिळवून दिलं.

डाळव्याचं पीठ हा या पाककृतीतला गेमचेंजर वाटतो आहे.

फोटो परत परत बघतेय. तुमच्या उत्साहाला मानायला हवे…

मी चाहती क्रमांक ८ होते. आता १५ आहेत म्हणजे माबोकरांनी तुमच्या उत्साहाला दाद दिलीय.

तुमचे फोटो, लेखन यांनी साध्याशा पदार्थाला ग्लॅमर मिळवून दिलं >>>+10000
डाळव्याचं पीठ गेम चेंजर आहे.

मागे प्राचीने रेसिपी दिलेली , तेव्हा करून बघितला होता.
https://www.maayboli.com/node/86254

म्हटले तर बनवायला साध्याश्याच पदार्थाचे किती भारी फोटो..
खालचे बटण दाबले

मस्त पाकृ आणि फोटो तर त्याहून ही भारी...
पीठ म्हटलंय तुम्ही पण ते जरा सरसरीत ठेवायचं की एकदम बारीक करायचं ?
आवडलं असेल तर खाली वामन राव यांचे चाहते व्हा! हे बटन दाबा! ह्याला मान दिला आहे.

मस्तच

मी भाजके पोहे आणुन चिवडा करते (थोडक्या तेलात होतात, तरीही चविष्ट लागतात). पावसाळ्याच्या शेवटी शेवटी आणलेल्यातले थोडे तसेच पडुन राहिले व नरम झाले. कढईत कुरकुरीत करण्यासाठी जास्त वेळ परतले तर आक्रसतात आणि चव बदलते. म्हणुन मी हल्ली पोह्यांसाठी त्यांना वापरुन संपवतेय. त्यांच्यावर हा प्रयोग करुन पाहते

उग्गानीसोबतच्या भज्यांची रेस्पी पण येऊदे.

दाळवे म्हणजे फुटाण्याच्या पिठाने थोडा कोरडेपणा येतो..एकदम गिचका होत नाही चुरमुर्याचा..
पण खरतर सुशीला थोडा तिखटच चांगला लागतो. परवा ही पोस्ट वाचली अन काल भरपूर सुशीला केला आणी खाल्ला.

हा मी बनवेलला उग्गानी.. डाएट मुळे ज्वारीचा कुरमुरा वापरला आहे.. आणि हायपर ऍसिडिटी मुले आंबट पदार्थवर काट मारली.. शॉर्टकट म्हणून डाळवे पावडर न करता.. घरी तयार असलेली गन पावडर घातली.. दिसायला खास नाही पण मस्त झाला होता..

व्वा व्वा...
काय लिहिलंय आणि काय ते फोटो.
सुशीला खाल्ली आहे. पण ह्यात जे डाळव्याचे पीठ आहे ते खरे गेम चेंजर आहे वर म्हंटल्याप्रमाणे.
नक्कीच करून बघणार. फोटो एक नंबर. नेहमीप्रमाणे.

श्रवुच्या उग्गानी मुळे घरी असलेली पोडी वापरून आपणही उग्गानी करून पहावी असा एक धाडसी प्लॅन डोक्यात शिजत आहे

रमडला मम.

अरे! झकास!. फोटो तर तोंपासु!

मला पण आत्ताच खावा वाटू लागलंय. एमटीआरची गन पावडर आहे, पण त्याने जाम तिखट होईल का? डाळं सापडलं तर ते नाही तर गन पावडर.
मला भेळेला ते चिकनेचोपडे चुरमुरे आवडत नाहीत त्यामुळे घरात ते खरखरीतच असण्याची शक्यता आहे. पाणी घालून एकदम झटकन काढून टाकेन. पण आता करणार म्हणजे करणारच!
भज्यांच्या ऐवजी फ्रोजन पात्रा (अळुवड्या) आहेत, कदाचित फ्रोजन कांदाभजी ही सापडतील, किंवा कांदाभजी पटकन करता ही येतील.

भारी

आमच्याकडे चान्गले मुरमुरेच मिळत नाहित. बहुधा ताजे नसल्याने का काय उघडल्यावर त्याना एक दबकट वास येतो.भारतात मुरमुरेवाला घरी घेवुन यायचा.दारोदार फिरायचा पण एकदम क्रिस्प आणी ताजे लागायचे मुरमुर.
ताजे गरम मुरमुरे त्यावर तेल-तिखट-मिठ की झाल.ताजेपणाने असेल भन्नाट लागायच.

सुशिला खाल्लाय मी एकदाच पण बहुधा बनवणारे प्रो नसल्याने का काय असेल ते कारण पण ते प्रकरण खुपच चिवट्/चामट लागत होत..
मी पण धनी सारख पोह्यावरच प्रयोग करुन पाहिल.

सुशिला मीही बनवला होता पण चुकीचे कुरमुरे असणार.

असो. काल डाळे व योग्य कुरमुरे घरी आलेले आहेत. आज करणार संध्याकाळी.

( ता. क. आताच करणार होते पण एका मैत्रिणीने नाश्त्याला बोलावलेय. ती आहे कोब्रा. तिच्याकडे नाश्त्याला जायचे म्हणजे घरुन काहीतरी खावुन जायचे. पण उग्गानीइतकेही नको खायला म्हणुन संध्याकाळी करणार.)

(( अ. ता.क. बेळगावी आले पाकात पण कसलेतरी गोळे करुन देतात. तीही रेसिपी काढुन बघायला हवी. माबोवर आहे)

श्रवु डायेट पण म्हणतेयस आणि फोटोत ते कायतरी शेवसदृष्यही दिसतेय.

पण फोटो कातिल आहे हा…

साधना तो शेव आहे.. पण अहोच्या प्लेटमध्ये खास फोटोसाठी थोडासा घातला.. माझ्या प्लेटमध्ये शेंगदाणे पण नव्हते.. म्हणजे आधीच वेचून त्याला देऊन टाकले..

माझ्याकडची गन पावडर मी घरी केलेली होती.. त्यामुळे कमीच तिखट होती.. तुमच्याकडची फार तिखट होईल असे वाटत असेल तर हिरवी मिरची घालू नका..

अमितव तुम्ही पाण्यात कुरमुरे घालू नका.. कढईत कांद्यावर असेच टाका कुरमुरे आणि वरून नुसता पाण्याचा हबका मारा..

काल पाण्यात कुरमुरे घालून आणि डाळं वापरुन हे केले. कुरमुरे लगदा वगैरे अजिबात झाले नाहीत. छान मोकळेच राहिले. त्यामुळे घरी जे काही कुरमुरे आहेत तेच चालतील.
लाल मिरची + हिरवी मिरची दोन्ही असल्याने भयाण तिखट झाले. खाण्याची मजा घ्यायची तर पुढच्याखेपेला यापेक्षा कमी तिखट करेन. खायला बरे होते काही दुसरं करायचा कंटाळा आणि झटकन होणारं काही हवं असेल तर ठीक आहेत. फार आउटऑफदवर्ल्ड वगैरे नाहीत. किंवा माझ्या पाककौशल्यात तरी तसे झाले नाहीत.

मस्त रेसिपी आणि फोटो !!

>>> फार आउटऑफदवर्ल्ड वगैरे नाहीत. किंवा माझ्या पाककौशल्यात तरी तसे झाले नाहीत.
म्हणूनच 'कहते हैं कि गा़लिब का है अंदाज़-ए-बयाँ और'!

मीही केले. कुरमुरे चोपडे होते पण चवीला यथातथा. त्यामुळे उग्गानी मला फारशी आवडली नसली तरी आजर्‍याबरुन कुरमुरे आणले तर छान लागेलसे वाटले. सकाळची मैत्रिण संध्याकाळी डोकळा घेऊन आली होती. तिला आवडले. लगे हाथ रेसिपी शेअर केली.

फार आउट ऑफ द वर्ल्ड वगैरे नाहीत..हे वरील प्रांजळ मत वाचून छान वाटले!
त्यापेक्षा पोहे काय वाईट?
चुरमुऱ्यांचा यूएसपी हा त्यांचा कुरकुरीतपणा आहे. तो का घालवायचा?
त्यापेक्षा ते भेळीत, चिवड्यात बेस्ट !

मग ओली भेळ खातच नसाल.

भारत, ओल्या भेळेत आपण चुरमुरे इतके भिजवून पुन्हा शिजवत नसतो! त्यांचा कुरकुरीतपणा कायम राहतो...लगेच कालवून खाल्ली तर...